Home Gobierno “Awo nos ta desenmascara Benny Sevinger riba e Benny Connection aki”

“Awo nos ta desenmascara Benny Sevinger riba e Benny Connection aki”

80
0
SHARE
- Advertisement -

Minister Otmar Oduber:

ORANJESTAD (AAN) – Siguiendo cu e informacion tocante locual Minister di Infrastructura, Medio Ambiente y Desaroyo Teritorial, sr. Otmar Oduber ta titula “Benny Connection”, el a referi na e grupo Caledonia.

Minister Otmar Oduber ta cuestiona su ex-colega Benny Sevinger ken a declara den un rueda di prensa reciente, cu sra. Marisol Lopez-Tromp a duna, tempo cu e tabata minister di infrastructura, tereno pa 400 camber na e grupo Caledonia.

Pero loke si ex-minister Sevinger no a mustra prensa ta e Acta cu el a pasa, di cual minister Otmar Oduber a presenta e documento oficial, den conferencia di prensa di gobierno di Dialuna.

E documento aki a sali dia 4 di Mei 2006, segun e mandatario, y e tabata un destinacion pa 154 camber so. Segun Minister Otmar Oduber, loke sr. Benny Sevinger a haci den su connection, ta manda un carta di fecha 29 di Augustus, den pura (dos siman prome cu eleccion), unda e ta converti esaki den un total di casi 400 camber, cu despues e gobierno nobo mester a bay negocia atrobe cu e hendenan di Caledonia, cu ta bay bira St. Regis awor, pa reducie na 200 camber, pa hay un hotel top na Aruba.

Na e momentonan aki, Minister Otmar Oduber a sigui splica, no solamente a reduci un cantidad di contratonan y opcionnan cu gobierno no a haya corecto, pasobra nan ta tene cuenta cu capacidad di carta y ta tene cuenta cu moratorium, a reduci e cantidad di compromisonan cu tin sin cu esaki ta trece consecuencia financiero pa nos pais.

NATURA:

Esaki ta otro proyecto unda aworaki tin e construccion di MBC Suites ta tumando lugar. Den esaki e mandatario a menciona cu e tempo ey ex-Minister Marisol Lopez-Tromp enberdad a duna un pida tereno na Natura, unda e ta bisa cu no mag di desaroya mas cu 20 unidad. Si calcula cu cada unidad tin tres camber e maximo ta 60.

Minister Otmar Oduber a señala cu contrario na loke sra. Marisol Lopez-Tromp a indica pa otorga erfpacht na e grupo aki, tempo cu ainda no tabata tin ROP ni discusion riba capacidad di carga, pasobra esakinan a bin despues di 2010, den e Acta ta un limite di tempo pa cuminza construi si no e erfpacht no ta valido mas.

Sr. Sevinger no a termina e erfpacht aki cu tabata pa un maximo di 60 camber, pero a cambie den un tereno cu a pasa dia 9 di September 2015 unda a cambia e destinacion aki pa un hotel di 340 camber, manera ta wordo construi na e momentonan aki.

E mandatario a trece esaki dilanti pasobra e ta conciente cu Aruba su capacidad di carga ta yegando na un maximo, y mester tin midimento corecto di e maneho cu ta wordo hiba riba otorgamento di camber den nos pais, y muy particularmente pa loke ta trata apartamento, condominium y hotel.

Minister Otmar Oduber a señala cu ora e scucha ex-minister Benny Sevinger sali bin dilanti y no para pa e 7 mil cambernan plus, cu el a duna y a purba di acusa e minister anterior na dje, cu awo ta forma parti di Partido POR di a otorga e terenonan aki, awo e ta desenmascara ex-minister Benny Sevinger den e Benny Connection aki, cu un tras di otro a cambia e cantidad di cambernan na un forma exorbitante.

Esaki ta tres caso cu e mandatario a atende den e conferencia di prensa aki, manera e mes ta expresa, di con un resort cu a wordo otorga tereno pa por ehemplo 100 pa 200 camber ta caba na mil y pico camber y den otro casonan na lugar di termina e overenkomstennan el a bay over na duna mas.

Finalmente e mandatario a referi na e proyecto cu e compania The Sands.

- Advertisement -

DUNA COMENTARIO

Please enter your comment!
Please enter your name here