Home General Bijstand di como 300 persona a keda blokea y esaki a causa...

Bijstand di como 300 persona a keda blokea y esaki a causa disgusto grandi

859
0
SHARE
- Advertisement -

Desapunta cu Minister:

ORANJESTAD (AAN) — Algun persona a tuma contacto cu nos redaccion, pa motibo cu Dialuna, segun version di ciudadanonan afecta, como 300 persona nan bijstand a wordo blokea y no a haya ayudo pa aña escolar.

Personanan sumamente disgusta a mustra hopi desapunta cu Minister di Asunto Social pa e motibo aki.

No obstante, e mandatario, e director di Asunto Social y otro funcionario tabata presente den un conferencia di prensa y a adverti cu esey por a pasa di un total di mas cu 300 cliente, no tabata presenta na e oficinanan di DAS na Playa y San Nicolas cu e formulario cu nan mester a busca na scolnan mes, yena.

E dia ey a wordo informa cu tabata bin como 900 formulario pa wordo entrega y e deadline tabata dia 30 di Augustus pa entrega esakinan na DAS.

A splica tambe cu “Schooluitkering” cu ta un ayudo cu ta wordo duna un biaha y ta bin hunto cu e siguiente pago di bijstand lo a wordo paga dia 8 di September, kiermen Diasabra cu a pasa.

Esaki ta un suma di 220 florin pa un maximo di 800 florin pa famia pa yuda e mayornan cu e gastonan escolar, mas un suma di 120 florin maximo pa otro gasto cu mayornan tin y cu ta wordo paga directamente na scol den luna di October of November venidero.

Pues a adverti mayornan cu si no presenta e formulario manera a wordo describi, mayornan ta perde e beneficionan aki pa e aña escolar aki y ademas nan bijstand ta keda blokea, tin indicacion cu te December venidero.

 

- Advertisement -

DUNA COMENTARIO

Please enter your comment!
Please enter your name here