Home Beyeza Bonbini caluroso pa Shanty Kanhai na Aeropuerto

Bonbini caluroso pa Shanty Kanhai na Aeropuerto

311
0
SHARE
- Advertisement -

ORANJESTAD (AAN): E potretnan aki saca Diadomingo anochi na momento cu Shanty Kanhai a regresa for di Ecuador, unda el a bay cu e titulo maximo di Miss Teen Earth 2018, y alavez titulo tambe di Best Model.

Shanty Kanhai a keda eligi na 2017 como Miss Youth Aruba, y sigur su carisma, contacto hopi simpatico, social, y rostro bunita cu curpa formidable a yude cu el a sobresali den e evento cu a tuma lugar Diasabra anochi na Ecuador.  Y por nota cu Shanty hunto cu su famia, y tambe su sostenedornan manera Robin Croes-Ponson y tambe Edgar Kock, tabata satisfecho cu e titulo aki.

Shanty a wordo ricibi masha caluroso mes den VIP Room di Aeropuerto di Aruba.  E candidatanan di recien certamen di Miss Youth Aruba tabata presente, hunto cu demas amigonan y famia.

E certamen tabata un reto pa Shanty como tambe su coachnan, y famia.  Na Ecuador nan mester a cambia tres biaha di Hotel, y tur esey ta trece extra cansancio.  Shanty mes a lucha hopi dia cu dolor di pia, pero tog a sa di sobresali.

Awor cu e tin e titulo mundial di Miss Teen Earth International 2018, e tin di bay sigui traha riba obranan di Medio Ambiente, proteccion di nos mama naturaleza, y produci videonan cu e tema aki pa asina manda pa e organizadornan na Ecuador.  Y conociendo e stamina di Shanty, esaki ta algo cu e lo haci sigur.

- Advertisement -

DUNA COMENTARIO

Please enter your comment!
Please enter your name here