Home Beyeza Bunita mensahe di Miss World Aruba dilanti 300 alumno di Ibero American...

Bunita mensahe di Miss World Aruba dilanti 300 alumno di Ibero American Highschool

74
0
SHARE
- Advertisement -

Nurianne Arias

ORANJESTAD (AAN): Riba Diamars, Ibero American Highschool na San Nicolas tabatin un actividad special pa e 300 pico alumno.

Nan a invita e actual Miss World Aruba 2018, esta Nurianne Arias, pa el a bay duna un discurso motivacional na e hobennan.  Esaki den cuadro di e mensahe di “Beauty with a Purpose” cu Miss World ta promove.

Debi cu e ta preparando pa bay representa Aruba na certamen di Miss World, Nurianne ta haciendo obranan caritativo.  Y su deseo den esaki ta pa e.o. motiva hobennan den e parti di salud, energia, y trece balanza den nan bida.  Aki e ta papia cu e hobennan y incentiva nan pa keda na scol, sigui cu yen enfasis riba nan estudio, pa asina nan progresa y logra haya exito den futuro.

DIARIO a tuma nota cu durante e mainta aki tambe, Nurianne Arias a lanta oficialmente su fundacion, cu yama  Fundacion Fron The Beats of our Hearts.

El a dicidi na lanza e Fundacion aki na e scol mey-mey di e alumnonan.  Aworaki e ta splicando muchanan pakico e balanza entre salud y come bon, drumi bon, etc., ta importante.

Tabatin como 300 mucha na Ibero American Highschool, y nan ta e unico scol na Aruba cu tin Multimedia Les.  Aki e alumnonan ta siña filma, edit, saca potret, siña traha cu Photoshop.  Cu e motivacion aki, Nurianne por empuha e muchanan aki bay dilanti y logra nan futuro.

Na e presentacion aki por a mira presencia tambe di Ministro Rudy Lampe di Enseñanza, como tambe Parlamentario Alan Howell, y Richard Jacobs.

- Advertisement -

DUNA COMENTARIO

Please enter your comment!
Please enter your name here