Home Gobierno Bureau di Minister Glenbert Croes lo atende kehonan relaciona cu permisonan pega...

Bureau di Minister Glenbert Croes lo atende kehonan relaciona cu permisonan pega na DPL

67
0
SHARE
- Advertisement -

Minister ta anuncia cu DPL ta habri bek na San Nicolas

ORANJESTAD (AAN):  Tin hopi keho riba permisonan cu tin mas di 6 luna pega na DPL. Pa esaki, e Minister di Asuntonan Social y Labor, Glenbert Croes, a dicidi cu su oficina lo tuma tur keho di permisonan pega na DPL.

Den e fase transitorio aki rumbo p’e servicio y imagen nobo di DPL cu nan kier crea, e Minister ta pidi tur persona cu ta sinti cu nan ta inhustamente pega pa pasa na su oficina.

E Minister tin un team disponibel pa atende cu tur keho relaciona cu permisonan cu ta actualmente pega. Mayoria trahado tambe di DPL kier aporta den e proceso di maneho nobo na DPL.

Adicionalmente, e Minister ta anuncia cu nan ta habriendo bek e DPL di San Nicolas , pues cu e reactivacion di e refineria e DPL cu a reemplasa e CITGO Desk, cu su meta ta sigura cu tur trahadonan local haya preferencia den e proyecto di refineria, ta expandiendo su oficinanan na San Nicolas.

E Minister kier p’e mensahe ta cla cu DPL t’ey pa sirbi pueblo cu un maneho modernisa y sosten di mayoria trahado di DPL.

E Minister ta lamenta cu den tur departamento tin cierto personanan cu ta faborece e partido anteriormente na mando y ta tuma cierto accionnan a base di posibel consehonan di miembronan di e partido ey.

 

- Advertisement -

DUNA COMENTARIO

Please enter your comment!
Please enter your name here