Home Suceso Candela na Bubali Plas a causa un daño grandi na nos flora...

Candela na Bubali Plas a causa un daño grandi na nos flora y fauna

417
0
SHARE
- Advertisement -

Despues di 11 ora a logra paga e candela

ORANJESTAD  (AAN):  Dialuna mainta e instancianan concerni tabata na Bubali Plas atendiendo e melding cu a drenta for di tempran relaciona cu un candela grandi den e area.

Ferdinand Ponson di Brandweer a duna di conoce cu ora nan unidad a yega e candela tabata basta grandi caba. Un patruya a yega pa cera e caminda pa asina Brandweer por a yega mas lihe y asina por a cuminza combati esaki.

Segun Ponson, door cu e awa den e area tabata halto, e acceso di e bomberonan tabata basta dificil. E bomberonan a haci un trabao basta grandi pa por a hiba e slangnan y pa logra domina e candela grandi cu tabata tin.

Bubali Plas ta conoci pa ta un area conserva, unda tin bestia y pahranan. Den e caso aki e huma a afecta e condominionan, hotelnan y otro negoshinan den e area. Pesey den caso necesario a percura pa evacua.

Ponson a duna di conoce cu ta investigando kico precis a sosode pasobra esaki a causa un daño grandi na nos flora y fauna, como tambe un peliger pa tur esnan den e becindario.

Den oranan di atardi, DOW a duna di conoce cu despues di 11 ora largo a logra di controla e candela totalmente.

Awor ta keda pa haci analisis di e dañonan y sigui cu e investigacion pa haya sa di tabata tin man criminal den e caso aki.

 

- Advertisement -

DUNA COMENTARIO

Please enter your comment!
Please enter your name here