Home Salud Cantidad di personanan cu a haya stroke a bira dobel entre 2013...

Cantidad di personanan cu a haya stroke a bira dobel entre 2013 y 2017

158
0
SHARE
- Advertisement -

Cifranan di stroke ta alarmante na Aruba

ORANJESTAD (AAN):  Departamento di Salud a tene nan rueda di prensa semanal unda nan ta enfoca riba topiconan relevante pa concientiza y educa comunidad.

Jurette Croes, vocero di DVG a duna di conoce cu pa esaki ta invita diferente profesional pa elabora riba e temanan aki. E topico di e siman aki ta “Stroke” ya cu ta importante pa tuma accion awo y pa no warda te ora e problema presenta.

Tin factornan di risico conoci manera diabetes, obesidad, presion halto, entre otro y pesey ta importante pa tuma accion tempran.

Dia 29 di October tin e “World Stroke Day” y ta bon pa remarca cu “stroke” ta un atake cerebral cu por sosode cu cualkier persona y na cualkier momento. Stroke a sosode na momento cu e circulacion di sanger pa e cerebro ta wordo blokia ocasionando cu e celnan di e cerebro no ta haya suficiente fluido. Esaki ta trece cune cu e pashent por haya paralisis y tambe por te hasta fayece, Croes a enfatiza.

Pa elabora riba e situacion na Aruba a invita Tracy-Ann Bryan, Neuroverpleegkundige  y Ruthmila Odor-Croes, Zorgmanager na Dr. Horacio Oduber Hospital.

Tracy-Ann Bryan a indica cu na Aruba e cifranan di stroke ta hopi alarmante. Si compara 2013 cu 2017, na aña 2013 tabata tin 150 persona cu a haya stroke aki na Aruba. Pa loke ta 2017 e cantidad a subi te 300.

Si compara Aruba cu otro paisnan grandi manera Canada, na Aruba cada 100 mil hende 208 ta haya un stroke. Na Canada, di cada 150 mil hende, 150 ta haya un stroke.

Mundialmente, 5.5 miyon hende ta muri pa aña door di un stroke. 44 miyon ta haya u dis-habilidad. Na Aruba, di e 208 personanan cu haya un stroke, 45 di nan a fayece, Tracy-Ann Bryan a remarca.

 

 

 

- Advertisement -

DUNA COMENTARIO

Please enter your comment!
Please enter your name here