Home Politica “CDA tabata kier Mike Eman como su representante den Union Europeo”

“CDA tabata kier Mike Eman como su representante den Union Europeo”

47
0
SHARE
- Advertisement -

Segun Karsten Klein di CDA durante Cumbre’18

ORANJESTAD  (AAN)- Orador invita pa Cumbre’18 tabata sr. Karsten Klein, miembro prominente di CDA, partido ruman di AVP y miembro pa CDA den Municipio Den Haag. Klein a bisa di a keda encanta cu e poco cu el a mira te awor di partido AVP.

Di aeropuerto el a bay Cas di Partido unda el a wordo ricibi cu brasa habri. Unda tambe el a haya splicacion con e organisacion di partido AVP ta hinca den otro y con partido ta traha den un tremendo organisacion.

Durante su speech el a bisa di lo bay implementa cierto asuntonan cu e ta kere cu lo ta bon pa CDA.

Loke sin duda a resalta durante e discurso elocuente di Klein, unda el a repasa varios punto di interes comun di AVP y CDA, ta ora el a bisa cu su partido tabata kier lider di AVP Mike Eman como represante di CDA den Union Europeo. CDA kier a duna Eman tur apoyo pa a bira un di nan miembro den Union Europeo.

Bisando esaki, Klein a accentua e oportunidad grandi cu a keda brinda na Mike Eman, kende a scoge pa keda como lider di e partido berde, mirando e apelacion fuerte cu a wordo haci na dje door di su partido, su votadornan y coleganan.

Ocho mil voto ta enorme, ocho mil votador ta hopi, sigur si tene na cuenta cu partido AVP a bay atras den voto y Eman a mantene su votonan y a bira asina un bes mas e votegetter mas grandi Aruba. Esey ta impresionante!

Karsten Klein a regresa Hulanda diamars. Mayan e lo haci hunto cu lider di partido Mike Eman un bishita di cortesia na Gobernador Boekhoudt y despues cerca un bond di ciclista.

 

 

- Advertisement -

DUNA COMENTARIO

Please enter your comment!
Please enter your name here