- Advertisement -
ORANJESTAD (AAN): E noticia di mas espantoso ta cu Dialuna awor lo no tin Bus mainta! Esey DIARIO ta deduci for di un relato urgente cu Sindicato STA a emiti Diabierna atardi.
Esey ta debi cu un Accion di Protesta ta planea pa tuma lugar Dialuna venidero pa 4:00 am, door di Chauffeurnan y Empleadonan di Arubus.
Diego de Cuba di Sindicato STA, a indica cu nan ta invita tur miembro y empleado di arubus pa e accion di protesta cu lo start pa 4:00 am na edificio di Arubus na Sabana Blanco.
Segun STA, tur esnan cu ta haci uso di Arubus mainta sea pa bay scol of pa bay traha tene cuenta cu Dialuna 17 di September lo no tin transporte.
- Advertisement -
