Home General Compania FMSA a indica cu no tin contaminacion di Jet Fuel

Compania FMSA a indica cu no tin contaminacion di Jet Fuel

109
0
SHARE
- Advertisement -

ORANJESTAD (AAN):  Diahuebs atardi, a bati alarma cu FMSA su Jet Fuel no a pasa un test cu normalmente ta worde haci cerca aeroliñanan.

FMSA ta e compania na Aruba cu ta suministra avionnan cu Jet Fuel.

Un boletin cu FMSA a emiti Diabierna madruga, a mustra cu nan practica semper ta seguridad y cumpli cu tur norma di aviacion internacional cual cu den e ultimo 32 añanan semper a cumpli cu ne. Durante un prueba tabata tin un indicacion di un variacion leve y mesora accion a worde tuma pa asina tuma tur precaucion necesario.

E consecuencia di esaki ta cu algun vuelo a worde recomenda pa fuel na Curacao y tambe na Bonaire.

E boletin di madruga ta pone FMSA declara cu no tin contaminacion den Jet Fuel. E operacion completo di FMSA a traha diligentemente hunto cu inspectornan independiente pa haci test riba tur e tankinan di aeropuerto, Citgo y distribucion, pa confirma cu FMSA su Jet Fuel ta cumpli cu tur e normanan internacional di aviacion.

FMSA a agrega, cu nan manda un comunicado di anuncio na tur aeroliña informando cu lo continua cu operacion normal. Nos mision y balor ta pa opera den un manera sigur y confiabel, cu ta inclui control di calidad.

- Advertisement -

DUNA COMENTARIO

Please enter your comment!
Please enter your name here