Home General Corda yama Departamento di Salud di biaha ora cu bo a bira...

Corda yama Departamento di Salud di biaha ora cu bo a bira malo comiendo na restaurant

936
0
SHARE
— Autoridad di Dienst Volksgezondheid investigando kehonan.
- Advertisement -

ORANJESTAD (AAN): Si bo a come algo na un restaurant, fast food, snacktruck, of hasta pasaboca na un fiesta na cas y bo a bira malo?

Envez di pone mesora riba Facebook, Instagram, of broadcast esey riba Whatsapp, mihor ta pa bo yama Departamento di Salud mesora!  Nan telefon na 522-4200.

Ta importante cu nan por actua mesora, pa check si acaso ta un caso individual, of ta un brote di un malesa tin andando.

E siman aki a circula informe cu tin varios persona cu a bira malo comiendo Wendy’s.  Tin cu a menciona cu nan a bira malo comiendo salada, otro a menciona cu esey a pasa despues di a come hamburger.

Departamento di Salud tambe a haya keho, incluyendo informacion di Hospital cu tin hende cu a yega eynan cu malestar, despues di a come na Wendy’s.

Ora di a tuma tur e reclamonan aki, e seccion Dienst Waren Keuring, como tambe Dienst Hygiëne di Departamento di Salud a subi caya pa bay check tur e 4 establecimentonan di Wendy’s riba e isla.

E compania local a duna tur nan colaboracion na Departamento pa Salud den e investigacion aki, y esaki ta algo admirable.

Ademas di check e papeleo di tur trahador, pa mira si nan tin e Carnet Berde, etc., nan a haci test di termometer pa check con e cuminda ta wordo warda, a tuma algun ‘proefstuk/monster’ di cuminda, di salada, ingrediente, pan, y condimento.

Keto bay Departamento di Salud ta spera di por haya mas informacion di hendenan cu lo por a mira malo e siman aki comiendo na Wendy’s.  Por yama 522-4200 pa asina duna informacion, y principalmente informa nan kico exacto bo a come.

- Advertisement -

DUNA COMENTARIO

Please enter your comment!
Please enter your name here