Home General Costo pa Aruba obligatoriamente bay hunga wega di Concacaf na Curacao ta...

Costo pa Aruba obligatoriamente bay hunga wega di Concacaf na Curacao ta como 40.000 Florin

131
0
SHARE
- Advertisement -

ORANJESTAD (AAN): Manera cu DIARIO a trece den edicion dia 2 di Juni caba, e organizacion CONCACAF a desaproba tur dos Stadion na Aruba pa hunga wega aden na nivel internacional.

No por hunga ni den Stadion Guillermo Trinidad na Dakota, y tampoco den Compleho Deportivo Frans Figaroa na Noord.  E tin di haber cu e mal calidad di tereno, y tambe iluminacion malisimo.

Y debi na esaki, imaginabo cu e Seleccion di Futbol di Aruba tin di bay hunga un wega di fogeo contra Bermuda, te na Curacao riba dia 9 di September venidero.

Tur e añanan tras di lomba, Fundacion Facilidadnan Deportivo (FFD) a haci nada pa mantene e dos stadionnan aki como debe ser.

Y pa e wega contra Bermuda, awor Aruba tin di bay huur un Stadion na Curacao, y paga pa full e selecicon di Aruba y demas costo, pa bay hunga wega na e isla ruman.

CONCACAF tin su Nations League andando unda e seleccion local tin di enfrenta Bermuda dia 9 di September venidero na Aruba.

Awor ta di lamenta, cu e team di Aruba lo ta viahando pa Curacao y hunga un wega sin cu e apoyo di pueblo Arubano den tribuna pa sostene nan.

Diamars merdia, Ministro di Deporte Dangui Oduber a bolbe reacciona na un forma furioso riba loke ta pasando.  El a mustra cu debi na esaki, awor e viahe di seleccion pa Aruba y demas gasto, lo costa 40.000 Florin.

Pues 40.000 Florin pa team Aruba bay Curacao.  Berguenza cu nos na Aruba mes no por organiza, pasobra Stadion ta afgekeurd.  Fundacion FFD cu ta cay tambe bao Lotto a haci nada.

Ministro a mustra cu no ta djis e dos Stadionnan di Aruba ta deteriorando, sino tambe por mira den ki estado Parke Jaburibari ta, con e compleho deportivo Simeon Antonio ta bayendo atras, mescos cu esun di Yara.  Ningun a haya atencion.

 

 

- Advertisement -

DUNA COMENTARIO

Please enter your comment!
Please enter your name here