Home Parlamento Criticanan di Dowers riba Sociale Crisis Plan ta totalmente no al caso

Criticanan di Dowers riba Sociale Crisis Plan ta totalmente no al caso

18
0
SHARE
- Advertisement -

Hendrik Tevreden:

ORANJESTAD  (AAN): Parlamentario Hendrik  Tevreden di fraccion di MEP ta haya e criticanan di parlamentario Arthur Dowers di AVP riba e asina yama ‘Sociale Crisis Plan’, totalmente no ta al caso.

“Mi a spera mas di e parlamentario aki kende ta un ex minister”.

“Dowers a bisa entre otro cu e minister encarga cu e crisis plan no tin ningun ‘benul’ di loke e ta hasiendo y mi ta haya cu esaki no ta na su lugar”.

“Specialmente mirando e herencia cu e minister di Asuntonan Social a ricibi for di e gobierno anterior”.

Esaki segun e parlamentario di e fraccion geel, kende a sigui bisa cu den gobernacion anterior no tabata tin un maneho concreto den e ministerio di Asuntonan Social.

“Mi ta haya lamentable cu a scoge pa bagateliza e Minister di Asuntonan Social, kende ta hasiendo un trabao duro pa trece un cambio den nos programa social na Aruba, diferente na locual a wordo laga atras pa gobierno anterior”.

Esaki segun Tevreden, kende a sigui bisa cu gobierno anterior a laga traha un asina yama ‘Integraal Jeugd Beleid’ cu tabata tin un plan yama ‘Generation of Leaders’.

“Tabata un tremendo plan traha pa profesionalnan cu conocimento y experticio riba e materia, pero lastimamente den e maneho social di gobierno anterior, e plan aki no a mira luz di dia”.

“Si bo kier bagateliza e Crisis Plan cu tin aworaki, bo mester ta sincero cu bo mes y acepta cu e gobernacion na cual bo tabata participe no a ehecuta e plan cu a wordo traha”.

Esaki segun e parlamentario, kende a sigui bisa cu e plan a keda den lachi tira durante 4 aña largo, cu e resultado cu tabata tin consecuencianan social grandi y bisto pa nos tur.

El a sigui bisa cu gobierno anterior a dicidi cu ta bon pa enfoca riba fachada di pais Aruba, pero esaki cortando den fundacionnan manera SABA.

“Fundacionnan manera SABA a bay atras den nan presupuesto cu alrededor di 20% bao di e gobierno anterior, siendo cu por ehempel Fundacionnan manera Stichting Verstandelijke Gehandicapten  Aruba (SVGA) bao di e gobierno actual a haya 3.5 miyon acerca”.

“Mi ta kere como ex minister y como parlamentario bo tin cu duna e informacion corecto”, segun Tevreden, kende a indica cu e cartera di Asuntonan Social ta esun mas dificil pa e gobernacion aki, pero esun mas importante na su parecer.

 

- Advertisement -

DUNA COMENTARIO

Please enter your comment!
Please enter your name here