Home General Cuerpo di Bombero lo intensifica control prome cu aña caba

Cuerpo di Bombero lo intensifica control prome cu aña caba

9
0
SHARE
- Advertisement -

Segun Ferdinand Ponson:

ORANJESTAD  (AAN): Mas di 1500 luga anualmente mester wordo controla, segun Ferdinand Ponson. Tur hende sa con esaki ta traha den e departamentonan, Y no ta cu nan por sali tur dia pa bay haci tur e controlnan aki.

Den e parti di prevencion, tin pa haci e parti di hotel, cu tin cu haci control, check nan sistema di alarma, nan rutanan di escape, papia cu nan, wak riba e cambionan cu nan tin cu haci.

Tambe ta bay supermercadonan, cu ta mara na un vergunning, cual ta slijterij. Eynan tin cu wak pa nan tin tur cos na ordo. Esta Smoke Detector, Strobe Light, emergency light, panel, nan rutanan di escape. Tur tin cu bay wak pa esaki. Ta bezig cu nan caba.

Nan ta bayendo diferente supermercado pa esaki. Loke ta cay hopi na remarca ta e restaurantnan cu tin, cu ta traha cu un tipo di campana den cushina, cu tin cu wordo haci limpi, cada seis luna. Pero tin luga cu nan produccion ta asina grandi cu nan ta sushi hopi mas lihe. Ta un fire hazzard, segun Ponson.

Ta pidi pa nan haci esaki limpi mas frecuentemente. Ta haci’e pasobra ta proba internacionalmente, cu hopi candela ta cuminsa den cushina, den e sistema di duct. Y si e sistema no ta gekeurd, of e compania no a bin test’e, keur’e, percura pa e traha na ordo, e por bay for di man.

Manera cu e exigencianan ta bisa, cu si bo tin nan, por scapabo hopi na placa, hopi na material. Esaki ta un inversion cu abo como doño di compania tin y bo kier cuida bo inversion. Esaki ta e manera pa haci’e.

Hinca bo sistema di alarma den dje, zorg pa tur cos ta gekeur. Tur e rutanan di escape ta bon. Tin hende cu normalmente ta pone cosnan dilanti di e ruta di escape. Esaki semper mester keda liber di obstaculo y tambe pa nan tin e panic bar sin uza un yabi pa sali pafo of un candal na porta. Durante un incidente e cos aki por pasa hopi lihe. Candela por crece hopi lihe mes ora cu e start y no ta yudabo pa busca un yabi pa kita un candal.

 

- Advertisement -

DUNA COMENTARIO

Please enter your comment!
Please enter your name here