Home Policial Cuerpo di Polis ta celebra 30 aña di hubileo y promocion di...

Cuerpo di Polis ta celebra 30 aña di hubileo y promocion di dos polis

190
0
SHARE
- Advertisement -

ORANJESTAD (AAN): Na Centro di Husticia na Macuarima a tuma lugar un ceremonia ameno entre famia y coleganan. Alto Comisario di Polis Sr. Andrew Hoo a hiba palabra pa 2 polis cu a yega un etapa mas den nan profesion como polis. Cuerpo Policial Aruba ta conta cu sosten di dos polis cu ta capacita pa nan funcion y nan ta carga un responsabilidad grandi den nan funcion.

Cu 30 aña di experiencia y profesionalismo, Dhr. Renato R. Emerencia cu ta un Senior strategische analist na infodesk ta yega un otro etapa den su carera. Cu 30 aña di carera den nos organisacion policial ta nifica sirbi bo pais cu pasion y curason. Sr. Hoo a hiba palabranan di gratitud y danki na su famia pa duna nos un polis ehemplar cu ta sirbiendo su pais.

Ta inicia un responsabilidad nobo den su funcion. Dhr. Rober L. Marsdin cu ta e “Zaakbeheerder DAR Unit District 3” ta conta cu un titulo nobo como  “Onderinspecteur”. Sr Marsdin ta un di e personanan importante pa districto di San Nicolas loke ta trata diferente casonan cu recherchenan mester eherce. Awendia e equipo di recherchenan di San Nicolas por conta cu e experticio y sosten di nan colega Sr. Marsdin.

Alto Comisario Sr. Andrew Hoo ta contento di por sigui duna promocion y mira coleganan cu ta yega un otro etapa den carera como polis. Mas conocimento den diferente area hudicial nifica mas profesionalismo cu nos comunidad por sigui spera di nos organisacion. Nos polis nan tin experticio, diploma y ta cualifica pa atende tur tipo di caso y Aruba por ta oryugoso cu nos tin un organisacion cu tin personalnan capacita den diferente funcion.

- Advertisement -

DUNA COMENTARIO

Please enter your comment!
Please enter your name here