Home General Den e cuadro di Simposio Educativo di Sostenibilidad

Den e cuadro di Simposio Educativo di Sostenibilidad

32
0
SHARE
- Advertisement -

LVV, BNA Y DCA ta uni forza y conocimento:

ORANJESTAD (AAN) – Diaranzon di e siman aki a cuminza e di siete Simposio Educativo di Sostenibilidad organiza pa Biblioteca Nacional y coordina pa señor Robby Alders den colaboracion cu Departamento di Agricultura, Cria y Pesca.

E ta un simposio dirigi na studiantenan di scol secundario y avanza, pa scolnan na Playa y San Nicolas.

Den e contexto di e Simposio aki, tambe tabata tin Diaranzon, un anochi di lectura pa e publico general, den Cas di Cultura, pasobra aunke e Simposio mes ta pa studiantenan e publico general no a wordo laga atras.

E aña aki, sr. Alders a splica den entrevista cu Matutino DIARIO, a scoge e tema “Matanan medicinal local” locual ta causando furor pasobra tur Arubiano kier bay bek den naturaleza, nan kier come saludable, consumi berdura y fruta, bebe awa, pasobra tin hopi malesa cu por wordo preveni door di come saludable.

Cuater experto den matanan medicinal a bin comparti nan conocimentonan riba e tema, un di nan ta  Olinda Rasmijn di Stima Aruba,  Inger Croes,  Ciro Marquez y  Dina Veeris di Curacao, cu tabata e orado principal.

E sala di Cas di Cultura tabata completamente yen, y den e sala UNOCA a pone un exposicion cu banners di esnan cu a presenta y bende nan productonan saludable organico, di Aruba mes.

Santa Rosa tabata e co-organizador di e evento aki como e departamento experto den agricultura, cria y pesca sostenible di Aruba.

Alders a anuncia tambe cu otro siman, Dialuna 10- te Diabierna di September, lo tin un pintor Colombiano, invita. Ta trata di sr. William Marquez Guerrero, ken ta bin Aruba pa di dos biaha, pa duna un tayer di trabao di artesania sostenible.

Esaki ta nifica cu e studiantenan di Aruba ta haya e oportunidad, gratuitamente, bao auspicio di e artista profesional mes, pa traha artesania haciendo uso di material recicla.

Naturalmente, Departamento di Cultura tambe lo ta presente, pa asina tres departamento di gobierno: LVV, BNA y DCA ta uni esfuerzo y conocemento pa asina brinda un tremendo servicio na studiantenan, cursistanan y publico local riba e temanan di matanan medicinal local y artesania sostenible.

 

 

 

 

- Advertisement -

DUNA COMENTARIO

Please enter your comment!
Please enter your name here