Home General Departamento di Labor ta trahando riba proyecto di ley ARBO

Departamento di Labor ta trahando riba proyecto di ley ARBO

34
0
SHARE
- Advertisement -

Nick Kock, Aruba falta ley central

ORANJESTAD(AAN): Departamento di Labor ta trahando riba e proyecto di ley ARBO, cual ta un ley cu ta regla circunstancianan na pia di trabou. E idea ta pa bin cu proyecto di ley central, pasobra esey ta loke falta aki na Aruba y tin diferente ley laboral.

A haci un evaluacion riba e desaroyo di mercado laboral y a mira e desaroyo internacional, Departamento di Labor ta haya cu Aruba falta un ley central cu ta tene cuenta na pia di trabou ora e trahado ta trahando.

Nick Kock, director di Departamento di Labor a splica cu esaki ta tene cuenta cu e siguridad, salud y bienestar di e empleado. Den cuadro di esaki nan a acerca Flora Petronilia, kende  tin hopi conocemento riba e parti ey, pidiendo pa yuda Departamento di Labor.

Algun aña pasa Petronilia tabata na Departamento di Labor den un comision cu a traha un concepto di ley ARBO. Prome gobierno so tabata den e comision y despues esaki a bira tripartiet, cual tabatin diferente stakeholder manera DTI, DPL, Directie Wetgeving, Departamento di Salubridad, SVb. Tur a bin hunto pa traha riba un concepto ley di ARBO cu ta na oficina di minister.

Pa Aruba ta importante pa tin un ley di ARBO pasobra aworaki tin diferente ley cu ta toca e aspecto di circunstancianan di pia di trabou p’e empleado, plama den diferente ley. E bon di e ley aki ta cu e ta bay concentra den un solo ley e proteccion di empleado.

Importante di e ley aki ta cu e ta prescribi cu e dunado di trabou mester bin un maneho activo di compania cu ta dirigi riba proteha e empleado den su siguridad na trabou, salud y bienestar.

E ley aki ta bay obliga e dunado di trabou pa bin cu RIE, esta Risico Inventarisatie en Evaluatie, combina cu un plan van aanpak. Esaki ta encera cu e dunado di trabou mester bay evalua y inventarisa tur trabou cu e tin den su compania, mira kico ta e riesgonan cu ta mara na esaki y bin cu un plan cu si un riesgo tuma luga of algo pasa den compania, con ta bay ataca e problema aki.

Con e dunado di trabou y empleadonan ta bay yuda den prome instancia yuda soluciona e problema.

E ley aki ta bay forsa e dunado di trabou y empleado pa bay traha mas hunto cu otro, asina Nick Kock a splica. Den un esfuerso combina entre dunado di trabou y empleado ta bay ehecuta e plan di compania cu ta basa ariba e RIE.

Departamento di Labor sa cu companianan, manera hotel tin un plan asina, unda cu tur peliger di trabou ta describi si algo pasa con tin cu actua, cua trahado ta encarga cu kico.

Pero na momento cu e ley aki bin na vigor, e ta bira un obligacion di dunado di trabou pa bin cu e plan y envolve empleadonan. Hunto nan lo hiba e maneho di compania y hiba e compania.

Pa motibo di bin cu e ley aki, e lo trece un cambio na e manera con dunado di trabou y empleado lo bay cu otro. Lo bay bin hopi obligacion mara na e RIE aki y tambe na e manera con pa ataca problemanan den compania ora algo pasa. Na Aruba ta custumbra cu tin leynan pa sector priva y pa sector publico.

Si Departamento di Labor, cu ta un instancia publico, custumbra nan mes traha cu solamente leynan priva. E ley aki ta bay conta pa tur hende cu ta traha den un relacion di autoridad cu otro. E no lo conta solamente pa un hende den sector priva cu contract laboral pero ta conta tambe pa stagiaire, pasobra nan tambe ta traha bou autoridad di otro.

Esaki tambe ta conta pa un uitzend kracht, pasobra si un compania fia un empleado na un otro, esaki lo conta p’e empleado y compania. Manera e ta defini esaki ta conta pa sector publico.

E ley aki lo ta hopi importante cu vigencia general y lo haci un cambio den relacion entre dunado di trabou y empleado. E lo ta un cambio den gobierno y e ley aki ta uno poderoso.

 

- Advertisement -

DUNA COMENTARIO

Please enter your comment!
Please enter your name here