Home General Departamento di Labor ta vigilando rumor cu otro Restaurant lo reemplaza Tony...

Departamento di Labor ta vigilando rumor cu otro Restaurant lo reemplaza Tony Roma’s

56
0
SHARE
- Advertisement -

ORANJESTAD(AAN): Rumornan ta bisa cu e compania aki Tony Roma’s ta bay cera y eyden ta bay bin un otro luga. E ta rumor pasobra no ta sigur di e informacion aki ainda segun Nick Kock cu ta e hefe di Departamento di Labor.

Tin yen di pregunta cu Labor tin cu bay check bon si e decisionnan cu e hefe ta tumando, ta corecto. El a cer’e, e ta hustifica pa cer’e, e trahadonan cu a kita ta hustifica pa kita nan y tin traspaso di compania of no. Ta tres punto cardinal cu lo bay check bon riba dje, pa asina Labor sali na defensa di e trahadonan.

Den un relacion di trabao entre un dunado di trabao y trahadonan, no ta pareu. Tin hefe cu ta riba e trahado y bo por haya cu door di tipo di relacionnan ey, bo por haya cierto abusonan ta tuma luga.

Loke tambe a wak ta pasando y no ta mucho di acuerdo cun’e, no cu e ta contra ley si, cu awor aki tin andando e procedura di retiro na labor y e fin di siman eynan a mira un video, caminda cu gerencia ta yamando via un abogado e trahadonan aden, ofrece nan pakete y paketenan coy loco.

Dialuna minister di labor, Glenbert Croes a convoca un reunion urgente cu tur e trahadonan, unda cu mediador di gobierno tabata tey y e representante di e trahadonan, y a bisa nan bon cla cu mester watch out cu e pakete. Pakete ta zona bunita, un acuerdo mutuo, pero na momento cu bo firm’e ba perde bo trabao. No mester lubida cu un pakete y e ta worde hopi usa den e sector hotelero, ta den bentaha di e dunado di trabao. E ta un forma rapido di elimina un trahado.

Ora cu ta firma pakete en principio e proteccion di e leynan laboral no tey. Ta loke bo palabra riba papel ta conta y e ta tuma luga den un ambiente hierarchico. E dunado di trabao ta yamabo den su oficina of ta laga un abogado haci’e. Abo ta sinta na otro banda y nan ta bisa cu esey ta loke nan ta ofrece y firm’e. E no ta un ambiente pareu. E ta un ambiente di hasta intimidacion. Door di e tres factornan ey, semper ta consehabel pa ora cu ofrece un pakete, y esey cu e ta keda berdad. Pakete por worde ofreci pa un dunado di trabao.

Hasta ora tin un procedura di retiro, e no ta contra ley. Por ta e no ta mucho etico, pasobra ta pone trahadonan bao di presion.

Ora nan worde ofreci un pakete, semper bisa bo hefe cu bo kier pense prome cu bo firm’e. Pasobra e ora ta haya chens pa check cu bo abogado, pa check cu labor y otro hende cu tin conocemento di ley pa nan nabo un bon opinion di loke ta worde ofreci na bo. En principio, na momento cu bo firma un pakete, esey ta nifica cu b’a perde bo trabao.

- Advertisement -

DUNA COMENTARIO

Please enter your comment!
Please enter your name here