Home Gobierno Departamentonan ta intercambia informacion y por sa si un persona ta bay...

Departamentonan ta intercambia informacion y por sa si un persona ta bay afo pa mas di un aña

59
0
SHARE
- Advertisement -

Kathy Paskel, director di DIMAS: relaciona cu firma liber

ORANJESTAD  (AAN): Departamentonan ta trahando mas cu otro pa controla si un persona a bay biba den exterior, specialmente esunnan cu tin permiso. Personanan cu ta rekeri permiso mester percura pa semper esaki ta na ordo.

Esey ta nifica cu anualmente nan mester renoba nan permiso. Na momento cu un persona tin 10 aña cu nan permiso, nan por solicita pa un firma liber.

E persona cu ricibi su firma liber por traha y biba aki na Aruba, mientras cu e ta riba e isla. Den e ley di LTU tin stipulacionnan na ki momento e persona por perde su derecho di estadia.

Pa firma liber tambe tin un stipulacion concreto cu si den caso bo tin un firma liber y a permanece mas cu 1 aña den exterior, bo por perde e firma liber. mr. Kathy Paskel, director di Dimas a splica cu na principio e persona ta perde e firma liber, a menos cu e tin algo di haber cu e persona a bay pa estudio of motibonan medico. Tambe den e casonan ey ta bolbe bay mira si e persona a regresa den 1 aña, despues cu 1 di e dos a termina.

E ta un stipulacion di ley y no algo cu DIMAS of minister tin cu haci un accion p’e persona perde un titulo, pero ta perde esaki despues di 1 aña.

Si e persona a bay exterior sea pa estudio of motibonan medico, e por pasa cerca DIMAS comprobando cu esey tabata e caso. E persona por ricibi su titulo bek y por bay registra na Censo.

Perde derecho firma liber

Den otro casonan cu bo a bay biba den exterior y a duna muestra di no kier ta mas na Aruba y 1 aña a pasa, el a perde su firma liber. Esey ta nifica cu si no a bay pa estudio of motibonan medico y a regresa pa bin biba na Aruba, e persona mester cuminsa di nobo. E no ta algo nobo pasobra semper esaki tabata poni den ley.

Aworaki e departamentonan ta trahando mas cu otro. Tambe e sistemanan ta conecta cu otro y ta tuma nota cu 1 persona a permanece den exterior pa mas cu 1 aña. Censo cu Emigracion tin e “uitwisseling”, pero DIMAS tambe tin informacionnan cu nan ta comparti cu otro servicionan.

Si un persona ta bay exterior sea pa estudio of motibonan medico, e cliente mester prueba esaki. A haya varios caso den e ultimo aña aki cu hende a bin bek y por a constata cu nan no ta mas den registro di hendenan na Aruba. Ta manda e personanan aki pa DIMAS, unda cu nan ta haya tur splicacion.

DIMAS lo evalua e documentonan cu nan a entrega pa mira si nan ta bin na remarca pa un duplicado of ta informa nan cu si mester cuminsa di nobo, pa motibo cu e tempo a transcuri y nan no por a comproba esey.

Tin casonan cu e hende a bay den e ultimo añanan y tin patronchi cu cierto tempo so e ta na Aruba, esey tambe tin consecuencianan. Ta diferente caso, pero e ley ta papia di hendenan cu ta keda 1 aña afo y ta perde su titulo di firma liber.

Antes e sistemanan no tabata bon acopla cu otro y esey a haci cu e persona ta drenta bek y no ta haya e consecuencia cu el a wordo uitgeschreven.

Awo cu e sistema di departamentonan ta trahando mas cu otro, tin intercambio di informacion y asina ta haya sa cu e persona a permanece mas cu 1 aña afo. Paskel no ta kere cu e ta menos cu antes, pero awo tin mas acceso na data. Ta haci uzo di data pa reenforsa ley.

 

- Advertisement -

DUNA COMENTARIO

Please enter your comment!
Please enter your name here