Home Salud Depresion ta un trastorno di e estado di animo y ta afecta...

Depresion ta un trastorno di e estado di animo y ta afecta bo bida normal

10
0
SHARE
- Advertisement -

Psicologo Diana Uribe: “Ta mas cu lanta tristo un dia”

ORANJESTAD (AAN):  Jurette Croes, relacionista publico di Departamento di Salud Publico a hiba palabra dialuna mainta durante nan conferencia di prensa semanal.

Luna di September y luna di October nan ta bay dedica na duna informacion tocante salud mental. E siman aki nan  a pone enfasis riba e topico di Depresion.

El a bisa cu Depresion ta algo mas cu un dia cu no ta sinti bo tristo, un dia cu bo a landa sin smaak, sin animo. El a enfatiza cu depresion ta un malesa cu sintomanan real cu ta afecta e salud mental, e curpa fisicamente como tambe e bida social.

Pa papia riba e topico aki a invita e psicologo Diana Uribe y el a bisa cu tin personanan cu ta lanta y bisa cu nan ta cu depresion pasobra nan a lanta sin animo of tristo. Esey ta algo normal, a bisa.

Depresion ta bay mas leu cu esey y eynan ta unda ta bin e parti di e falta di informacion. Uribe a indica cu depresion ta un trastorno di e estado di animo. Esey kiermen cu e ta afecta mas e bida normal di un persona riba tereno personal, laboral, social.

“Ta mas cu lanta tristo un dia”, a remarca.

Depresion ta presenta pa medio di diferente sintoma cu bo por reconoce: estado di animo abao, gana di haci nada, perde e gusto di haci cosnan cu normalmente e persona tabata haci y tabata duna bo placer.

Bo no ta haya mas placer den bo actividad sexual, bo ta sinti falta di energia, fatiga, bo soño ta cambia. Tin biaha bo no por drumi, bo apetit ta cambia tambe, a indica.

Diana Uribe a duna di conoce cu esaki ta algun di e sintomanan general di depresion. Tambe tin diferente sorto di depresion. Dependiendo di e intensidad y di e cantidad di sintomanan como di e frecuencia por papia di diferente tipo di depresion.

Ta importante cu si bo ta reconoce algun di e sintomanan aki pa bay cerca un profesional di salud of cerca bo doctor di cas y cont’e den kico no ta pasando pa e por haci un evaluacion clinico y diagnostica precisamente cual ta e tipo di depresion cu bo persona ta sufriendo, el a agrega.

 

- Advertisement -

DUNA COMENTARIO

Please enter your comment!
Please enter your name here