Home Policial Desde Diasabra siman pasa un hoben di 16 aña ta perdi

Desde Diasabra siman pasa un hoben di 16 aña ta perdi

1588
0
SHARE
— Ransiël Ramses Mendez-Medina
- Advertisement -

ORANJESTAD (AAN): Su omo cu tin voogd riba dje, a haci denuncia na autoridad encuanto desaparicion.  E mucha homber Ransiël Ramses Mendez-Medina ta perdi desde Diasabra siman pasa.

E hoben ta conoci den area di Meiveld y tambe Rooi Afo.  E ta biba na Meiveld 8, y segun autoridad hudicial, e ta naci dia 25 di December 2001, pues e tin 16 aña di edad.

Polis a revela na prensa, cu riba Diasabra 15 di December 2018 el a bandona su cas pa 8:00 pm, pa asina bay na un adres na Casibari.  Pero nunca e no a yega na e adres ey.

Ransiel ta un hoben delega, color di cuero ta bruin, y su cabey ta color preto.  E ta studiante na EPB Hato, y su wowo tambe ta color preto.

Ora el a bandona cas e tabatin jeans, sweater color blauw scur cu strepi berde, y zapato preto na pia.

Su famia ta hopi preocupa, y nan no sa unda e ta.  Si acaso tin un hende cu tine scondi, e tin di corda cu ley por baha pisa riba nan, si bo ta yuda wanta hende scondi.

Polis ta pidi tur hende cu por tin informacion encuanto Ransiël, pa por fabor yama Central di Polis na telefon 100, of duna informacion na Tipline 111-41.

- Advertisement -

DUNA COMENTARIO

Please enter your comment!
Please enter your name here