Home Enseñanza Despues di 47 aña di existencia SKOA a haya un bashi nobo 

Despues di 47 aña di existencia SKOA a haya un bashi nobo 

228
0
SHARE
- Advertisement -

SKOA den proceso di renobacion

ORANJESTAD (AAN):  Na Stichting Katholieke Onderwijs Aruba, SKOA, tabata tin un ceremonia special pa asina devela e logo nobo di e departamento aki. Rolly Sintiago, presidente di e hunta di supervision di SKOA a duna di conoce cu esaki tabata un acto simpel pero significante caminda cu dos elemento a domina.

E prome ta cu SKOA despues di 47 aña di existencia a haya un bashi nobo, un logo nobo. E logo nobo a keda devela y presenta na e invitadonan como na Aruba henter.

E logo a wordo poni dilanti na e edificio di SKOA, cu ta hopi visibel. E renobacion aki di e logo no ta solamente e renobacion di un escudo pero e ta nifica cu SKOA a haya un bestuur y un raad van toezicht nobo.

Segun Sintiago, a traha riba statutonan nobo y banda di esey e haya un directora nobo. SKOA ta pasando den un fase di renobacion. E directora nobo ta Anuesca Baly y e ta cuminza cu SKOA ora e termina su trabao na Colegio Arubano.

Jossette Daal a yega edad di pension y ta baha como director mientras cu Baly ta reemplaz’e.

E di dos aspecto, Rolly Sintiago a duna di conoce, ta cu despues cu a devela e logo nobo, a presenta e directora nobo na esnan presente.

Baly a traha 21 aña na Colegio Arubano. El a cuminza como docente di Ingles y aworaki e ta bandonando Colegio den e posicion di co-rector ciclo basico. Tin hopi expectativa pa loke ta e cambionan, a bisa.

Pa loke ta e logo, Rolly Sintiago a indica cu esaki a wordo diseña door di un grupo di hoben, bao coordinacion di Tristan Every, cu a haya e opdracht for di directiva di SKOA pa traha e diseño nobo aki.

E logo ta contene elementonan interesante manera buki, liniaal, appel, shoco, un maestro, un alumno, un caliz y un hostia.

E logo a wordo devela door di  e Vicario Episcopal Rev. Andres Makowiec hunto cu miembro di Raad van toezicht Pastor Jairo Maduro.

 

 

- Advertisement -

DUNA COMENTARIO

Please enter your comment!
Please enter your name here