Home Salud ‘Di Mi Curazon, Pa Bo Curazon, Pa Tur Nos Curazon’

‘Di Mi Curazon, Pa Bo Curazon, Pa Tur Nos Curazon’

26
0
SHARE
- Advertisement -

Lema di IBISA pa Dia Internacional di Curazon:

ORANJESTAD (AAN): Dia 29 di September ta Dia Mundial  di Curazon y relaciona cu esaki Instituto Biba Saludabel y Activo (IBISA)  a organiza un campaña.

Durante un conferencia di prensa Diamars mainta, Monique van Emden, directora di IBISA a splica cu nan lema e aña aki relaciona cu e Dia Mundial di Curazon ta Di Mi Curazon, Pa Bo Curazon, Pa Tur Nos Curazon, poniendo e enfasis pa cada un di nos hasi un compromiso pa yuda otro hiba un bida mas saludable, pa asina cuida bo curazon.

“Esey ta conta pa tur hende den comunidad, incluyendo politico, mayornan etc”.

“Muchanan mester ta conciente riba cuido di nan salud, unda cu ta importante pa nan sa kico ta bon pa come y bebe”, segun van Emden, kende a bisa cu si bo papia un cos y abo mes ta hasi otro cos, bo yiunan no ta bay sigui un bon ehempel.

“E curazon ta e motor di nos curpa, pa nos funcionamento den tur cos”.

“Si nos no cuida nos mes nos no por cuida otro”.

“Riba 29 di September nos ta pidi pa nos tur hasi un compromiso pa nos mes y pa nos sernan keri, pa cuida e curazon”.

Esaki segun e directora di IBISA, kende a sigui bisa cu e ta pas hopi bon cu IBISA, pasobra durante henter aña IBISA ta pone enfasis riba un bida saludable.

Ta importante pa disminui stress caminda cu bo por y hasi suficiente actividad fisico, mientras ta bon pa come y bebe mas saludable posibel.

Van Emden a bisa tambe cu ta importante pa mantene bo colesterol abao y bishita bo docter di cas.

 

- Advertisement -

DUNA COMENTARIO

Please enter your comment!
Please enter your name here