Home General Dia di Oracion diasabra awor na misa Inmaculada Concepcion

Dia di Oracion diasabra awor na misa Inmaculada Concepcion

25
0
SHARE
- Advertisement -

Diasabra awor 8 di september  na misa Inmaculada Concepcion na Santa Cruz lo tene e Dia di Oracion na honor di e ‘Señora di tur Pueblo’.  Nos por a observa  cu e nobena a cuminsa diahuebs ultimo, y ta sigui tur dia segun e schedule den diferente parokia  te cu diabierna awo 7 di september. Durante e dianan di nobena ta resa, canta y adora Santisimo Sacramento cu bendicion, despues e Santo Sacrificio di Misa ta sigui.

No perde e oportunidad pa participa na e dianan di nobena cu ta bini.

E Dia di Oracion mariano aki ta origina cu e aparicion di Mama Maria den añanan 1945 te 1959 na Amsterdam.  Birgen Maria a revela cu e kier ta conoci y stima pa tur hende como ‘e Señora di tur Pueblo’ of ‘e Mama di tur Pueblo’. For di aña 1996 cu aprobacion di e Congregacion di Doctrina di Fe na Vaticano, a cuminsa cu veneracion publicamente di Birgen Maria bou di titulo: ‘e Señora di tur Pueblo’.

Despues  di e aprobacion, na diferente pais un Dia di Oracion na honor di e ‘Señora di tur Pueblo’ ta tuma luga. Den paisnan manera Alemania, Spaña, Sovakia y tambe Hulanda  tin un Dia di Oracion pa aña pa promove e debocion na honor di ‘e Señora di tur Pueblo’.  Cada Dia di Oracion ta termina cu un Santo Sacrificio di Misa concelebra y presidi mayoria bes pa e Obispo Diocesano of pa e Arc Obispo Metropolitano y  cu participacion di e pueblo.  Kiermen un celebracion comun di fe den spiritualidad di union y comunion hunto cu otro.

Na Aruba durante algun aña anterior, algo similar tabata wordo organisa pero no manera un Dia di Oracion.  Na Aruba den e añanan cu a transcuri; Pater Peter Canisius a bishita scolnan den nos comunidad, gruponan di hoben, a visita e presonan na KIA, a pasa na diferente parokia  pa resa nobena hunto  y oficia Santo Sacrificio di Misa na honor di ‘e Señora di tur Pueblo’.

Aña pasa den luna di september, Aruba a sera conoce pa prome bes cu un Dia di Oracion na honor di ‘e Señora di tur Pueblo’. Hopi ta esnan cu a presencia y experencia e spiritualidad cu tabata reina durante e dia aki y a bay cas bek cu bendicion, satisfaccion  y speransa di bira un miho hende. Un Dia di Oracion asina ta cuminsa di mainta cu oracion y adoracion di  Santisimo Sacramento cu bendicion. E  Dia di Oracion ta culmina cu un Santo Sacrificio di Misa concelebra  cu participacion di e pueblo di Aruba y cu consagracion  di e tur presente na e Curason Inmaculada de Birgen Maria. Ta momentonan  unico di gracia cu cresemento di  fe cu sigur lo duna su frutonan  den futuro aki den nos pueblo cristian catolico.

E Santo Sacrificio di Dia di Oracion na Aruba aña pasa

 

Un Dia di Oracion asina ta conta tambe cu charla- y testimonionan. Pater Peter Canisius mes ta e Orador Principal. Lo e papia di e aparicionnan di ‘e Señora di tur Pueblo’  y mucho mas. Pastoor Jairo tambe lo duna su charla prome cu Misa cuminsa.  Diasabra awor 8 di september, dia di Fiesta di Nacemento di Birgen Maria, cuminsando pa 10or di mainta na Misa Inmaculada Concepcion na Santa Cruz.

Porta di misa lo habri 9’or y mei mainta pa duna inicio 10or exacto. Durante di dia tin dos pausa; merdia for di 12or pa 2or y  atardi for di 4’or y mei  pa 5’or y mei, cu posibilidad pa cumpra algo lihe pa come y bebe y descansa un rato. Durante di pausa tin oportunidad  pa obtene materialnan di ‘e Señora di tur Pueblo’ pa un contribucion chikito. Comision Organisador ta conta cu presencia di un y tur na e Dia di Oracion 2018.

 

 

- Advertisement -

DUNA COMENTARIO

Please enter your comment!
Please enter your name here