Home Tempo Diabierna lo bay tin lama hopi bruto rond di Aruba

Diabierna lo bay tin lama hopi bruto rond di Aruba

890
0
SHARE
- Advertisement -

ORANJESTAD (AAN): Diaranzon merdia, Departamento Meteorologico Aruba a emiti un alerta na publico, mustrando cu Diabierna lo bay tin lama bruto banda panort di e isla.

Un aviso pa Boto Chikito y Lama localmente Bruto ta drenta na vigor Diabierna 7 September 2018 pa 6:00 am.

Areanan afecta lo ta principalmente costa panort, costa di Arashi, Highrise y Lowrise Hotel.

Segun Meteo, labaderanan biniendo for di Noordoost, causa pa Horcan Florence (riba Atlantico) y combina cu un biento relativamente basta fuerte, lo bay pone Lama bira bastante bruto te bruto.  Esaki specialmente na costa Panort y Noordwest, unda olanan por yega 6 te 9 pia den resake.

Pesey un advertencia na esnan cu ta usa facilidadnan di lama, y doñonan di botonan chikito.  Tene cuidao, principalmente cerca di e area di costanan Panort te Noordwest.

Riba e potret aki di Diaranzon atardi 4:00 pm, por mira Horcan Florence moviendo riba Oceano Atlantico, y e no ta forma menaza mas pa Caribe.

 

- Advertisement -

DUNA COMENTARIO

Please enter your comment!
Please enter your name here