Home Deporte Diadomingo awor tin e competencia  “Never say you can’t walk or run” e di siete edicion

Diadomingo awor tin e competencia  “Never say you can’t walk or run” e di siete edicion

16
0
SHARE
- Advertisement -

ORANJESTAD (AAN) – 
Dia 16 di September proximo, ‘Aruba Malmok Runners’ (AMR) lo tene e di siete edicion di nan caminata ‘Never say you can’t walk or run’.
Pa 6’or di mainta un grupo grandi di canado y coredo nan lo sali for di Fisherman’s Huts na Malmok, pa asina core locual ta priminti di ta un di e caredanan di mas ambiente di 2018.

Hopi ta conoce Beto y Jovita Maduro pa ta  motornan grandi tras di AMR y hunto cu e coachnan y tur voluntario di AMR ta priminti di ta un careda exitoso.

AMR ta un club deportivo cu ta dedica hopi tempo na nos muchanan y tambe ne hende grandi cu ta desea di practica e deporte di coremento.

Coachnan di e club ta dirigi e trainingnan abase voluntario y ta duna tur di nan tempo pa asina inverti den e atletanan di e deporte di coremento.

Lo por participa den e categorianan: youth 2k run ta pa edadnan di 6-13 aña, 6k fun run ta pa edad di 14 aña bai ariba y na e careda mas popular cual lo ta e 10k run tambe ta pa 14 aña bai ariba.

E meta di AMR ta pa genera fondo pa nan club deportivo, pa asina por ofrece mas na nan atletanan durante full e aña.

Cu nos muchanan na curason, AMR  ta invita tur coredo y canado registra pa asina forma parti di e ‘Never Say You Can’t Walk or Run’ cual ta priminti di ta uno grandiy yen di ambiente.

Pa registra por bai online na: www.malmokrun.com

 

- Advertisement -

DUNA COMENTARIO

Please enter your comment!
Please enter your name here