Home General Diego de Cuba lo bay ter beschikking per directo di Minister di...

Diego de Cuba lo bay ter beschikking per directo di Minister di Labor

121
0
SHARE
- Advertisement -

ORANJESTAD  (AAN):  E sindicalista Diego de Cuba cu ta presidente di STA, lo bay ter beschikking di Minister Glenbert Croes. E ta awor aki trahando na aeropuerto como security. Gobierno mes a pidi Diego de Cuba pa atende cierto cos y pa logra esaki mester di espacio. Pesey mes el a busca manera pa haya algun luna liber di su trabou na aeropuerto pa asina por cumpli cu e peticion di gobierno.

Minister Dangui Oduber a manda un carta caba pa Aeropuerto cu ta su dunador di trabou. E carta aki ta informa aeropuerto cu Diego de Cuba lo bay ter beschikking per directo di Minister di Labor Glenbert Croes.

A papia cu Diego de Cuba cu a confirma e informacion. Tambe minister Glenbert Croes a confirma e noticia aki siman pasa caba. Segun minister Glenbert Croes y Diego de Cuba, nan mester atende e proceso pa e dialogo laboral caminda mas sindicato ta envolvi. Tambe Diego de Cuba lo ta parti di SER y tambe ta vice presidente di Fundacion Cas.

Segun Diego de Cuba mes a splica, pa e tempo cu e keda ter beschikkking, e lo no cobra salario na AAA. Pesey mes den un reunion cu directiva di STA dia 5 di Augustus, nan a dicidi unanimamente cu STA tin fondo pa cubri e salario di Diego de Cuba durante e temporada cu e ta ter beschikking. Esaki pasobra Diego de Cuba a haci hopi pa STA cu den pasado tabata entre otro 35 Mil Florin den cora y awe tin fondo stabiel.

Asina mes Diego de Cuba a splica cu lo purba pa gobierno mes cubri e gastonan mientras e ta trahando cu Gobierno ter beschikking di Glenbert Croes. Na mes momento a logra pa Airport stort e placa di su fondo di pensioen si, pa evita un buraco despues. Den algun luna mester keda cla cue dialogo laboral cu gobierno kier tene y djey e lo bay bek normal na su trabou.

 

- Advertisement -

DUNA COMENTARIO

Please enter your comment!
Please enter your name here