Home General DIMAS tin encargo pa duna boet na dunadonan di trabou cu no...

DIMAS tin encargo pa duna boet na dunadonan di trabou cu no cumpli cu ley

58
0
SHARE
- Advertisement -

mr. Kathy Paskel, director di DIMAS

ORANJESTAD  (AAN): Den ley tin provisionnan cu por haci boetnan administrativo y e rol di Guarda Nos Costa (GNC) den esaki ta pa haci control. Nan ta constata si tabatin 1 of mas infraccion di “beboetbare feiten” y ta transforma esaki den un rapport.

E rapport ey GNC ta percura pa esaki yega cerca mr. Kathy Paskel, director di DIMAS, y p’e parti di sancion di dunado di trabou, DIMAS tin un rol. P’e parti di e trahado ilegal, GNC tin e rol pa haci e procedura di deporta e persona si e no ta legal.

Pero p’e dunado di trabou unda a haya e persona aki ta traha, DIMAS tin e rol pa encamina un proceso pa yega na final pa un boet administrativo di cual no ta un boet penal.

E ta un proceso cu aworaki DIMAS ta ricibiendo bek desde comienso di augustus for di e instancia GNC, y di tur rapport ricibi nan a manda tur dunado di trabou un carta indicando e intencion di un boet. E intencion di e carta aki ta pa duna e dunado di trabou 2 siman di tempo pa duna su banda.

Despues cu e 2 siman ey transcuri, evaluando e rapport di GNC, evaluando reaccion di dunado di trabou y e investigacion di DIMAS mes haci den e sistema, lo procede na impone un boet administrativo of den cierto caso un advertencia. Ta defini tur esaki den un maneho y con lo procede. Tur esaki ta disponibel riba e website di DIMAS pa esunnan cu ta desea di ricibi informacion.

Ta importante pa dunadonan di trabou sa cu tin un trahado cu ta stranhero y mester percura cu tur su permiso ta na ordo. Na momento cu constata di no a cumpli cu e ley di LTU, esaki por tin consecuencianan. Un di e consecuencianan ta cu e dunado di trabou por ricibi un boet administrativo, segun Paskel.

DIMAS a cuminsa haci esaki desde 2014, unda a mira cu e instancia a percura p’e parti di “verwijdering”. Pa DIMAS por “treedt op” e ta necesario pa GNC traha rapportnan, pero tin mas instancia cu por haci esaki manera Warda Nos Costa, departamento di labor, diferente funcionario apunta pa haci e control di cumplimento di e ley LTUV.

Tur e instancianan aki ta autorisa pa traha rapport y si esaki yega na DIMAS, e ora ta cuminsa cu e proceso di “schrijf aan” e dunado di trabou cu e intencion cu DIMAS lo duna boet.

Den pasado hendenan a opone pa no paga boet, di cual e ta un derecho tambe. Esey ta pone cu por bay den “bezwaar”, pero no ta nifica cu ta stop e obligacion di paga.

E hendenan ta paga na departamento di finansas riba e cuenta di pais Aruba y DIMAS a mira cu na diferente ocasion hopi di nan a yega na un acuerdo di pago p’e boet cu nan a ricibi.

DIMAS tin cu bay revisa e proceso pa mira con esaki a cana den pasado y con pa mehor’e, pero ta mira cu mas rapport ta yegando. Tur esaki ta traduci su mes den un boet p’e respectivo empresanan cu no a cumpli cu e ley di admision.

Tur suma imponi ta riba e website di DIMAS den un matrix y asina aki e dunado di trabou mes por anticipa kico ta e boet e por haya den caso si constata di no a cumpli cu ley.

E sumanan pa cabes por subi dependiendo si e ta un “werkgever natuurlijk persoon” of un empresa, e ta varia entre 10 mil cu 25 mil florin. Tin diferente “glijdende schaal”, unda cu DIMAS ta pone esaki pero tambe e por acumula y bira hopi.

 

- Advertisement -

DUNA COMENTARIO

Please enter your comment!
Please enter your name here