Home Actividad Especial Documentario “Promesa Falso” a causa impacto durante su “premiere” diamars na Crystal...

Documentario “Promesa Falso” a causa impacto durante su “premiere” diamars na Crystal Theater

591
0
SHARE
- Advertisement -

Tremendo produccion local riba “Human Trafficking”

ORANJESTAD (AAN):  Diamars anochi na Crystal Theater tabata tin e premiere di e documentario local “Promesa Falso”. E anochi aki un sala yen y un publico ansioso di por mira por fin riba pantaya grandi e documentario poderoso aki cu ta toca e tema di traficacion di hende. 

Paula Nahr, Fundador di Switch Foundation y Producer di “Promesa Falso” a bisa den entrevista cu DIARIO cu e idea pa traha den e proyecto aki a nace na 2015, ora cu Cindy Wernet, kende ta docente y tambe miembro di Kiwanis Young Professionals Aruba a tuma contacto cune pa traha riba un produccion di calidad y educativo riba e tema di “human trafficking”.

Nahr a agrega cu precisamente esey ta e enfoke di Switch Foundation, cu ya caba tin varios aña trahando riba documentarionan unda e enfoca riba diferente problematica cu tin na nos isla.

Inicialmente a papia di un produccion chikito di 15 minuut specificamente pa scolnan. Pero ora a cuminza haci investigacion di e tema y a acerca Jeanette Richardson di Counter Trafficking Task Force Aruba mester a bay cerca dje asina hopi biaha pa por a compronde miho e conceptonan di un problematica global cu ta sosode na hopi pais. 

“Human Trafficking” ta sosode na tur parti di mundo, pero den  e documentario experimental aki ta pone focus riba prevencion. Ta mustra riba e casonan horibel cu ta sosode cu ta cay den man di traficantenan y ta obliga nan pa haci trabaonan forza of victimanan di explotacion sexual.

Switch Foundation como un organizacion cu ta traha riba e parti di prevencion, concientizacion y educacion pa e documentario aki a haya e testimonio di un sobreviviente di traficacion sexual cual ta Shamere Mckenzie. Shamere a bin Aruba pa duna charla na varios scol y asina a bin den contacto cune pa conta su storia.

Shamere tabata un mucha muher universitario, educa, caracter fuerte, inteligente pero cu a cay victima di traficacion sexual.

Den promesa Falso ta mustra hopi di e asina yama “red flags”, cual ta señalnan cu ta indica con un persona por bira target di e traficantenan pa medio di manipulacion y otro señalnan cu por ta no ta facil di reconoce na cuminzamento.  Pasobra na cuminzamento tur cos ta mustra “bunita”.

“Trafico di hende por ta sosodiendo cu bo, cu un mucha cu su omo ta manipul’e pa e drumi cu otro hende pa placa. Esey ya caba ta traficacion”, Paula Nahr a remarca.

E intencion di e documentario ta habri wowo pa nos hobennan ta proteha pasobra esaki ta un fenomeno cu ta creciendo caba bez mas. El a pone e ehempel di e “lover boys” cu ta tur caminda rond mundo y cu ta persuadi bo pa cay den nan wega di “amor”. Sigur un mucha muher of un mucha homber vulnerabel cu no ta conciente di e peliger, lo cay pa nan promesanan falso. 

Paula Nahr ta extende un invitacion special na comunidad di Aruba henter pa mira “Promesa Falso” na Telearuba diaranzon 10 di October pa 9:10 pm, despues di e sorteo di Lotto.

E documentario despues lo ta disponibel riba nan YouTube Channel: Switch Foundation.

- Advertisement -

DUNA COMENTARIO

Please enter your comment!
Please enter your name here