Documentonan presenta a pone Minister bay di acuerdo cu suspension di Robin Didder

    658
    0
    SHARE
    - Advertisement -

    Si e no ta culpabel, e lo haya su posicion bek

    ORANJESTAD(AAN): Despues cu Diahuebs e noticia a cuminza circula cu miembro di e management team di Serlimar  y miembro di partido POR Robin Didder  lo a wordo suspendi, e partido a yama un conferencia di prensa cu a tuma lugar Diabierna mainta.

    Presente na e conferencia di prensa tabata Ministernan Otmar Oduber y Andin Bikker y parlamentarionan Marisol Lopez Tromp y Allan Howell.

    Minister Oduber tabata esun cu a hiba palabra.

    “Naturalmente no ta e momentonan mas facil pa un organizacion politico, pero naturalmente ora como organizacion politico bo a trece pa dilanti y biba e aspecto di integridad cu e gobierno aki tambe ta carga y POR como parti di e plataforma cu ta goberna na e momentonan aki y ta forma parti di e coalicion cu a haya encargo di comunidad pa hiba un politica di integridad, bo tin responsabilidadnan cu bo mester asumi”.

    Esaki segun Oduber, kende a indica cu ora cu Diahuebs el a wordo notifica cu señora Didder a wordo suspendi como miembro di e management team di Serlimar, inmediatamente e partido a tuma contacto cu Didder.

    Segun e mandatario, den e tipo di casonan aki e persona ta keda inocente te ora cu e investigacion termina.

    Raad van Toezicht a dicidi di suspende Didder, debi na cierto puntonan rond di maneho di Serlimar cu a bin dilanti.

    Segun Oduber, Didder boluntariamente a pidi temporalmente su retiro for di POR, wardando pa e investigacion keda cla.

    “Esaki ta muestra di e compromiso cu e partido aki tin, unda cu no ta importa con leu of cerca bo ta di e partido, integridad ta keda forma parti integral di e base di principio di nos organizacion politico”.

    “Awe nos ta sinti e necesidad pa comunica esaki na medionan serio di comunicacion, pasobra nos por a mira ayera un biaha mas 24ora.com a hasi politica sumamente lamentable cu e hecho aki, caminda a trece un cantidad di informacion incorecto pa dilanti”.

    “Nos como partido naturalmente a keda na un distancia pa loke ta trata e decision cu tin di Raad van Toezicht y laga e caminda habri pa e investigacion tuma lugar den tur trankilidad”.

    ”Señora Didder tambe a duna espacio pa esaki tuma lugar”.

    “No ta importa ken bo ta of ki color politico bo ta, ta actua segun e normanan di bon gobernacion y integridad”, segun Oduber.

    DIARIO a puntra e minister si e por a duna detayenan di e motibonan pa cual Didder a wordo suspendi y el a bisa cu mirando cu e investigacion ta andando, e no por duna informacion riba esaki.

    Locual si el a bisa na dado momento ta cu como e minister encarga cu Serlimar, e Hunta di Comisario di Serlimar a acerke y nan a presenta na dje cierto documentonan y nan a dune cierto motibonan pa cual nan a sinti cu ta necesario pa suspende Didder y e como minister a bay di acuerdo cu esaki.

    Oduber a bisa tambe cu parlamentario Alan Howell via cierto medio di prensa a wordo involucra den e asunto aki, siendo cu e no tin nada di haber cu e asunto.

    E mandatario a trece dilanti tambe cu si na final di e investigacion resulta cu Didder no ta culpabel, e lo wordo re-institui den su funcion.

    Prensa a puntra Oduber riba algun di e informacionnan cu a circula, unda cu a bisa por ehempel cu Didder lo a faborece un subrina door di dune un puesto como PR y cu el a forma un relacion cu un persona den Serlimar y cu e persona ey a goza di tur beneficio cu por tin.

    “Mi ta bisabo na e momentonan aki cu mester duna espacio na e investigacion y no specula, pero nada di locual a caba di wordo menciona Hunta di Comisario a trece cerca mi como informacion”, segun Oduber.

     

     

    - Advertisement -

    DUNA COMENTARIO

    Please enter your comment!
    Please enter your name here