Home Hudicial Durante entrada hudicial a detene recividista cu tin casnan terorisa

Durante entrada hudicial a detene recividista cu tin casnan terorisa

531
0
SHARE
- Advertisement -

“El Menor” 4 biaha a wordo deporta

ORANJESTAD (AAN): Diahuebs madruga en conexion cu un investigacion andando a detene un homber procedente di Venezuela cu nacionalidad Venezolano R.S.R. di 32 aña miho conoci como “ El Menor”.

“El Menor” ta wordo sospecha di a comete ladronicia den casnan vacacional aki na Aruba. Por bisa cu ta di cuater biaha caba e sospechoso aki ta wordo deporta y e ultimo tabata juni 2018, despues di a sinta su castigo pa e mesun delitonan cu e ta wordo sospecha awe.

Desde Augustus 2018 e sospechoso aki ta na Aruba y a cuminsa comete ladronicia den diferente cas vacacional. E entrada hudicial a tuma luga na un cas na Madiki.

A detene dos señora arubiano y cuater ilegal. Den e cas a bin haya bastante droga y articulonan procedente  di ladronicia. Tambe a confisca un auto cu tabata wordo usa den e ladronicianan. Ta considera e homber Venezolano sumamente peligroso pa e motibo aki a hasi uso di arrestatie team pa detene e sospechoso aki.

Pa Cuerpo Policial Aruba por resolve mas caso e cooperacion di pueblo di Aruba ta hopi importante pesey nos ta pidi si bo tin cualkier informacion yama nos tiplijn: 11141.

- Advertisement -

DUNA COMENTARIO

Please enter your comment!
Please enter your name here