Home Parlamento “E tarea di un ex lider di sindicato no ta pa instiga...

“E tarea di un ex lider di sindicato no ta pa instiga pueblo”

77
0
SHARE
- Advertisement -

Tevreden:

ORANJESTAD (AAN): Diaranzon a tuma lugar e conferencia di prensa di tur siman di fraccion di MEP.

Durante e conferencia di prensa, parlamentario Hendrik Tevreden a papia riba e cobranza di 25 florin di Serlimar.

E parlamentario a reacciona riba comentarionan di un ex lider di sindicato, bisando cu e punto di salida di e cobranza di Serlimar ta cu e responsabilidad pa recogemento di sushi ta di nos tur.

“E no ta di un grupo so of un cantidad di hende of di e trahadornan di Serlimar so”.

“E ta di nos tur como pueblo y hasta e ta responsabilidad pa esnan cu ta bin bishita e pais aki”.

Esaki segun Tevreden, kende a sigui bisa cu pueblo mester wordo educa debidamente pa nos por crece como pais.

“Pa procesa sushi tur hende y compania tin cu bay paga pa esaki”.

“Esnan di menos recurso cu por ehempel ta huur casnan di FCCA no tin cu paga Serlimar, pasobra Serlimar ta cobra esaki for di FCCA”, segun e parlamentario, kende a indica cu pesey e no ta mira cu mester sigui cu un discusion riba esaki.

Tevreden a indica cu en vez cu e ex lider di sindicato (Rudy Geerman) mentor y yuda hobennan pa crece, nan ta busca forma di gana popularidad, pa bin cu puntonan cu no ta al caso.

“Mi a puntra mi mes e ora ey, unda e lidernan aki tabata  ora cu a azota Aruba cu 15% di aumento riba awa y coriente”.

“Mi no a mira nan den e marcha y tampoco mi a tende di nan ora cu a Sali afo cu 45% di doño di trabao no ta paga nan trahadornan e reparatie toeslag”.

“Segun mi esey ta parti di bo tarea”, segun e parlamentario.

“Mi a nota si cu den un colaboracion cu e dos piratanan di noticia di “Forza FM”(Power FM), e ta purba di instiga pueblo tocante e 25 florin aki, cu na mi parecer ta un responsabilidad cu nos como pueblo tin cu comparti y carga”, segun Tevreden, kende a splica cu pueblo mester wordo bon informa y mester uni, pa hunto nos por Sali for di e problemanan financiero cu a wordo hereda.

 

- Advertisement -

DUNA COMENTARIO

Please enter your comment!
Please enter your name here