Home Gobierno Empleadonan di SVb ta entrena pa detecta documentonan falso di “Constancia di...

Empleadonan di SVb ta entrena pa detecta documentonan falso di “Constancia di bida”

20
0
SHARE
- Advertisement -

ORANJESTAD(AAN): Na momento cu un persona no ta biba mas na Aruba, mester di entrega cada 3 luna constancia di bida p’asina SVb por verifica cu e ta na bida p’e por cobra pension.

Na cada pais tin un instancia oficial encarga cu e declaracionnan. E empleadonan di SVb ta entrena den tecnicanan forensico na trata detecta si un documento ta falso y no tur por haci esaki.

E ta un reto pasobra tin biaha nan ta ricibi documentonan cu por duda den esaki, asina Ing. Edwin Jacobs, director di SVb, a bisa. SVb semper por pidi asistencia di e partnernan den Reino y di embahadanan di Reino Hulandes pa verifica si e instancia cu ta otorga e constancia di bida ta uno reconoci. E instancia cu ta entrega esaki mester ta reconoci p’e pais pa por dun’e, pasobra e persona no mester presenta cerca SVb. Tambe SVb tin e formanan cu nan por colabora cu e constancia di bida ta uno valido.

Di e 9% pensionado cu ta cobra pafo di Aruba, e 7% ta cobra na Hulanda. Esaki ta pone cu SVb y Hulanda tin e intercambio automatico di informacion di cual nan ta cubri esaki. E otro 1% ta cobra riba un di e otro islanan di Antias Hulandes y eynan tambe tin intercambio di informacion. Ainda ta keda 1% cu ta cobra den e resto di mundo. En principio e riesgo cu ta core pa cu e fondo no ta grandi, pasobra nan no ta pensionnan completo pero pensionnan mita.

SVb ta vigila semper di cerca y semper nan por haci uzo di embahadanan di Reino, pa yuda verifica si e instancia cu ta otorga e constancia di bida aki ta uno autorisa y existi. Awendia door di internet, tambe por yega na hopi informacion.

 

- Advertisement -

DUNA COMENTARIO

Please enter your comment!
Please enter your name here