Home General Esnan cu no entrega declaracion di belasting automaticamente ta haya uitstel te...

Esnan cu no entrega declaracion di belasting automaticamente ta haya uitstel te 3 di December

21
0
SHARE
- Advertisement -

ORANJESTAD  (AAN): DIMP a yuda 2000 persona mas of menos. Esey no ta nifica cu a yena 2000 aangifte. Tin hende ta bin cu mas declaracion segun e directora di DIMP. Esey tambe cu a ripara, cu e cliente ta probecha di e oportunidad. E ta trece su mesun declaracion, pero por ta e ta trece di su bisiña, di su amigo, of otro hende cu ta cualifica pa e rekisitonan pa e wordo yena. No ta manda nan cas. Pero e ora ta haya cu por ta e momento di espera ta bira mas largo, pasobra en bes di yena un aangifte, e funcionario lo mester yena mas cu uno. Pero si ta satisfecho cu e clientenan a duna oido. E ta duna tambe un sentimento cu Departamento di Impuesto ta aproachable.

E drempel ta baha caminda cu por papia cu un funcionario di tin 25 of 30 aña den e departamento. Por haci un pregunta si no ta compronde. E materia di belasting ta complica. Esey ta e intension, cu ta yega mas cerca di e cliente. Tin un plan caba cu ta bezig ta ehecuta pa tres pa tres aña y mey, caminda cu ta e intencion pa ta mas cerca di e clientenan, dunando informacion, dunando un ayudo.

Hopi biaha tin critica cu e departamento di impuesto ta cobra so e ta cobra. Servicio no ta manera mester ta. Ta scucha eseynan, pasobra e intencion no ta pa duna un mal servicio, ni tene e restitucionnan pa malo atras. Ta haciendo tur e best, cu tur esnan cu ta trahando pa yega di berdad caminda cu kier yega, cu ta tur e restitucionnan cu ta pega, cu tin nan bao di control y tambe cu nan ta un departamento cu e cliente ta sinti’e comodo pa yega haci su pregunta, si e ta haya un cobransa, no ta compronde cu e por yega cu e cobransa, e ta wordo yuda y e ta sali cu un santimento di satisfaccion cu el a haya un contesta riba su pregunta, o sea via telefon of door di pasa.

Tin sigur ainda un caminda pa cana, un caminda largo. No ta pretende di a yega ainda caminda cu kier yega. Ainda tin puntonan di atencion. No ta contesta email, no ta contesta telefon, no ta cosnan cu ta sosode deliberadamente. Tin un sistema di telefon tambe cu no tur ora ta zona bezet ora cu e telefonistanan ta na telefon. E telefonista por ta na telefon, un hende ta yama y ta pensa cu no ta coy e telefon. Esey no ta e caso. Ta e sistema di telefon no ta zona cu e ta bezet. Consecuentemente e cliente ta frustra y ta pensa cu no tin hende ta tuma e telefon pa por contesta e pregunta.

Ta tuma tur esaki como feedback. Ta trahando segun cu tin begroting, door di e añanan cu ta bin. Tin pensa tiki tiki e cosnan cu kier logra. Na final a logra den un termino por ta tiki largo, pero caba tin pasonan grandi cu a logra.   Hefe di departamento di  Impuesto a splica, cu e HUBA aki ta un momento cu e funcionarionan ta yega cerca di e cliente, dunando un servicio extra, sin ningun gasto envolvi, caminda cu ta percura cu tur e clientenan ta conciente cu tin un deadline, cu e aangifte mester wordo entrega, pa asina e proceso di uitwerking di e aangifte cuminsa.

Tin cu corda, tin mas di 42 mil aangifte cu a saca. Ta 2000 aangifte a yena. Tin mas of menos un 40 mil ainda cu tin cu drenta of a drenta. Deadline ta dialuna dia 3 di September. Tin un otro ekipo cu lo bay lanta dialuna cla pa duna servicio caminda cu e clientenan por entrega y si e cliente no ta logra entrega su declaracion dia 3 di September, ta duna automaticamente uitstel te cu dia 3 di December.

Kier purba di encurasha e clientenan pa ta mas tempran posibel, evita e rijnan, no bin riba e delaster dia. Dialuna lo bay lanta atrobe druk y lo bay haya critica cu e rijnan ta largo. Lo prepara mas miho posibel pa por yuda e clientenan mas lihe posibel. Pero mester cay den e ritmo cu ta laga cosnan para te delaster momento. Si e cliente no logra pa dia 3 di September, ta duna uitstel pa dia 3 di December. Pero no warda te dia 3 di December pa entrega e formulario. Manera cu tine cla, por entrega esaki na e oficina principal, of tambe na e MFA nan.

 

 

- Advertisement -

DUNA COMENTARIO

Please enter your comment!
Please enter your name here