Home General Esnan di crèche na Aruba a haya sa mas con pa anda...

Esnan di crèche na Aruba a haya sa mas con pa anda cu rabia di mucha

33
0
SHARE
- Advertisement -

ORANJESTAD (AAN): Recientemente Fundacion Pa Nos Muchanan a tene un anochi informativo cu a wordo yama “Scucha, Compronde, Papia y Yuda!”

E crèchenan cu a participa ta Debby Doo Speelschool; Dizah’s pre-school; Dora & Diego Speelschool; Happy Day Speelschool; Jelly Kids Pre-school; Little Zoo Daycare; Love’n Care Daycare; Kids Creation Center; Pasa Dushi Pasa Pret peuterschool; Pavia Kidsclub; school di Hunga Tuti Fruti; Smart Kidz Playschool; Sunny Side Daycare; Tante Deta Kinderdagverblijf; Tante Joja Speelschool; The Cradle Daycare; Traimerdia Kudawecha; Traimerdia Oranjestad.

Excelente; esey tabata e reaccion di cada participante cu a participa na e anochi informativo cu a worde organiza pa Fundacion pa Nos Muchanan.

Orador pa e anochi aki tabata Sr. Johnny Boekhoudt kende ta un ‘Forensisch Psycholoog’ cu actualmente ta trahando na Orthopedagogisch Centrum Aruba. E topiconan pa e anochi aki tabata  ‘Con un mucha por sobrepasa tristesa di un perdida y Con pa anda cu rabia di mucha’. Un anochi sumamente interesante caminda e lidernan a haya informacion cu lo por usa den nan trabao diariamente.

Sr Boekhoudt a splica e fase nan di tristesa cu un mucha por pasa aden, sigui riba e parti di rabia y con pa yuda un mucha pa sobrepasa esaki pa un temporada largo. Tambe Sr Boekhoudt a añadi cu tur mucha ta expresa nan mes na nan momento sea cu nan ta tristo of rabia. Y pesey ta importante pa laga un mucha expresa su sentimiento, cual cu ta algo importante pa su desaroyo.

Finalmente por conlcui cu e anochi aki tabata uno informativo y interactivo caminda Sr. Boekhoudt a engrandece e conocemento di cada lider den Centro of Traimerdia nan cu a participa.

FPNM ta gradici Sr. Boekhoudt pa su dedicacion y tempo pa brinda un anochi exitoso una bes mas. Alavez FPNM ta felicita e lidernan y ta deseando nan exito cu e incorporacion di e informacion den nan centro!

- Advertisement -

DUNA COMENTARIO

Please enter your comment!
Please enter your name here