Home Deporte Fitville 2018 hunto cu Funstacle lo ta e weekend aki 

Fitville 2018 hunto cu Funstacle lo ta e weekend aki 

82
0
SHARE
- Advertisement -

ORANJESTAD (AAN)- Fitville 2018 “Aruba Fitness Festival” ta un concepto cu a crece enormemente. Fitville Aruba Games- ta e competencia di crossfit cu e participacion di 50 ekipo, cada ekipo ta consisti di dos atleta na total tin 100 atleta participando. E inscripcion a cera caba y ta conta cu competidornan di Sweden, Suriname, Merca, Santo Domingo, Curacao, Trinidad Y Tobago, Puerto Rico, y Aruba.

E competencia di Crossfit ta cuminsa awe diabierna pa 2 ‘or di atardi y lo caba banda di 9or di anochi, diasabra lo ta di 2’or te cu 9’or di anochi y diadomingo e competencia lo ta for di 2’ or pm. te cu 8or di anochi

Pa e aña aki nan a acerca Funstacle Masters, e idea a cay hopi bon na agrado cerca su organisadornan  y asina el a cuminsa bira un snowball effect atrayendo mas partners cu kier a join nan. Pensando riba e potencial di hubentud a crea un area pa IBISA cu ta bay ta encarga di e competencia entre hubentud.

Lo bay tin actividad tambe pa muchanan, incluyendo esnan di awa, y por ultimo a wordo crea e parti di activities wellness dunando demostracion y practica di diferente disciplinanan mane: Aerials, body Scult, Row-wod-yoga, Antigravity Aerial Yoga, kickboxing, Body Pump, Zumba, y hopi mas.

Funstacle Masters “Either You Master the Fun or the Obstacles” lo tey presente e aña aki pa prome biaha na “Aruba Fitness Festival” dianan 7, 8 & 9 September. Diabierna 7 September participante nan mester pasa Harbor Arena pa tuma nan pakete di inscription. Diasabra 8 September lo tin Company Cup unda e companianan lo competi contra otro den un knock out fase. Diadomingo 9 September tin e famoso funstacle masters pa famia, amigo & coleganan.

Funstacle ta conoci pa un team building experience cu ta apto pa tur hende. Funstacle bor cana core of hasta gatia pa hasi e reto di yega e final uno agradabel y divertido.

Esaki ta un evento deportivo pa full famia cu bo no por perde. Entrada na evento ta completamente gratis.

- Advertisement -

DUNA COMENTARIO

Please enter your comment!
Please enter your name here