Home General FTA no ta contra desaroyo pero contra medidanan cu ta afecta comunidad

FTA no ta contra desaroyo pero contra medidanan cu ta afecta comunidad

29
0
SHARE
- Advertisement -

Hubert Dirks di FTA papiando di tarifa pa piki sushi

ORANJESTAD (AAN):  FTA lo tin un reunion cu minister Otmar Oduber otro siman tocante e tarifa pa piki sushi, pero nan no ta kere cu esaki lo por cambia nada mas. Ya e decision a wordo tuma.

Loke si ta cu FTA ta consciente cu tin un grupo grandi cu ta biba di salario minimo. Tin un grupo grandi cu ta biba bou di e ‘bestaansminimum’, tin un grupo grandi cu ta biba di onderstand. Tin un grupo grandi cu ta biba cu’n solo pensioen.

Tur hende sa cu AZV no ta cubri tur remedi cu ta for di pension e hendenan aki mester saca placa pa cuida nan salud. Y nan sa cu e situacion di gobierno, di pais Aruba, financieramente ta dificil y e poder di compra.

E dunado di trabao ta bisa cu e costo pa haci negoshi ta demasiado halto y lo yega un momento cu e clash lo bay bin. E clash aki, segun Sr. Dirksz di FTA, esunnan cu ta tuma decision sin consulta y sin mucho respet, mester bay carga e consecuencia.

E pueblo si e sa cu e no por paga, e mester reacciona. Si bay core rond Aruba wak den ki situacion nos hendenan ta bibando, nos hendenan no ta lanta para pa nan derecho. Nan ta biba cu e consecuencia di tur e decisionnan asina.

FTA ta kere cu parlamento tin hopi asunto pa atende. Mester stop di hunga politica cu situacion asina. Aruba tin situacionnan hopi grandi pa atende pa motibo di mal maneho di gobiernonan. Sigur esun ultimo cu a pasa, mal maneho financiero y cu complicidad di gremionan, a laga e situacion bira asina dificil cu parlamento tin un tarea pa drecha e situacion.

FTA no ta contra desaroyo, pero si nan sa e consecuencia cu esaki tin, e proyectonan no a bay di miho manera y awe tin un situacion financiero hopi dificil, cu ta un menasa di nos calidad di bida di cada un di nos hendenan.

Si pone e economia crece iresponsablemente, pa trece solucion e tin chens di trece mas problema cu solucion y e ta un peliger pa nos economia, turismo y nos calidad di bida ariba e isla aki.

Parlamento tin un tarea grandi pa atende cu e topiconan di criminalidad di menaza cu tin ariba e situacion di criminalidad y situacion social. Pa esaki FTA ta spera mas huicio di parlamento y di gobierno pa atende cu situacionnan asina.

Ora cu haci yamada pa tene cuenta cu e situacionnan aki, Dirks no ta kere cu ta na su luga pa hunga politica cun’e y tuma decision iresponsabelmente. Na prome instante, FTA a para na banda di un tarifa social cu no ta surpasa 15 florin cu despues a cambia pa no surpasa 25 florin.

Pero esaki a sigui bay pa motibonan di necesidad di gobierno, FTA a bay di acuerdo cu un tarifa social mas amplio. FTA a para ariba cu e grupo di menos entrada mester haya beneficio di e situacion aki.

Ohala cu gobierno bini cu’n manera pa subsidia of exonera mesun cos cu hendenan cu ta paga pa un otro compania di recoge sushi, cu nan ta wordo exonera pa Serlimar cobra nan, pero esunnan cu no por paga pa motibo di nan entrada tambe lo por haya un manera cu ta tene cuenta cu e grupo aki.

Pa gobierno keda stabiel no por a dicidi otro y parlamento a haya su kier, segun Hubert Dirks, di sindicato FTA.

 

- Advertisement -

DUNA COMENTARIO

Please enter your comment!
Please enter your name here