Home General Fun Miles ta orguyoso di forma parti di Funstacle Masters X-TRA Fun...

Fun Miles ta orguyoso di forma parti di Funstacle Masters X-TRA Fun edition

16
0
SHARE
- Advertisement -

ORANJESTAD (AAN): Fun Miles ta orguyoso patrocinador di Funstacle Masters, un evento masha popular na unda cu participantenan ta core, cana, bula, gatia y pasa e obstaculonan durante un trayecto di 5 kilometer. Funstacle Masters Aruba ta celebrando 5 aniversario e aña aki, y lo hiba e competencia y diberticion pa un otro nivel cu e Funstacle Masters X-TRA Fun. Esaki lo ta e organizacion su prome evento di 3 dia, y e lo tuma lugar na Harbor Arena dianan 7,8 y 9 di september proximo.

Funstacle Masters a cuminsa na 2013 como parti di e proyecto We Love Students. For di e aña ey, e’la crece y bira un evento hopi gusta na Aruba, Boneiro i Corsou atrayendo miles di participante. E organizacion tin como meta pa promove un estilo di bida saludabel, stimula trabao den ekipo, duna back na comunidad, y riba tur cos ‘have fun’! Fun Miles ta contento di sostene Funstacle Masters, y lo tey presente un biaha mas cu su Fun Team. Lo tin diferente premio y fun giveaways!

Con pa participa den Funstacle Masters X-TRA Fun:

Participantenan por registra online riba funstaclemasters.com. Dia 7 di september entre 4 pm y 12 am, por paga e contribucion y busca e pakete di participacion na Harbor Arena, mientras tur participante ta cera conoci cu otro den un happy hour cu un live band.

Dia 8 di september lo tuma lugar e Company Cup, cu ta un competencia amistoso entre companianan. Dia 9 di september lo tuma lugar e Single & Team Cup. E evento aki ta pa tur hende, pues ta invita famianan tambe pa join e fun.

Parti di Aruba su prome Fitness Festival:

P’e edicion special di X-TRA Fun, Funstacle Masters a uni forsa cu Fitville Championship, Caribe su miho competencia di fitness funcional. E eventonan aki lo tuma lugar riba e mesun dianan y na e mesunlugar. Hunto lo presenta Aruba su prome Fitness Festival. Esaki sigur lo ta un evento fun y interesante pa participantenan y publico presente. Mas rason ainda pa bishita Harbor Arena dianan 7,8 y 9 di september proximo.

- Advertisement -

DUNA COMENTARIO

Please enter your comment!
Please enter your name here