Home Salud Fundacion C.V.A. Aruba ta haci chekeo di salud den Centro di Bario...

Fundacion C.V.A. Aruba ta haci chekeo di salud den Centro di Bario Brazil

9
0
SHARE
- Advertisement -

ORANJESTAD (AAN): Fundacion CVA Aruba cu ta e Fundacion encarga pa concientiza pueblo encuanto Stroke (atake cerebral) na Aruba, ta organiza un otro chekeo pa comunidad.

DIARIO a haya sa cu esaki lo ta Diasabra 8 di September 2018, y e biaha aki nan lo ta na Centro di Bario Brazil pa asina brinda e comunidad di Brazil, Mabon, Rooi Master, Rooi Kochi y vecindario e oportunidad pa bin haci diferente chekeo manera:

Control di sucu, presion, haltura, peso, BMI, percentahe di awa den curpa, percentahe di vet den curpa. Lo bay tin esnan di Aruba Vision Center tambe pa check bista, Dr. Guido Wever lo duna algun informacion con pa mantene dientenan, Kidneys297 cu lo duna informacion tocante prevencion pa cu nos riñonnan, Transition 2 Health cu lo duna sugerencia con pa cambia bo estilo di bida y por ultimo lo bay tin demostacion tocante awa.

E evento di Diasabra ta di 8:00 am te cu 12:00 pm, y ta na Centro di Bario Brazil.  Nan ta pidi hende pa bin na yuna y cu pasenshi.

Bar y cushina lo ta na encargo di Centro di Bario Brazil.  Fundacion CVA Aruba ta pidi cinco florin como donacion pa yuda cubri gastonan pa asina nos por sigui yuda nos comunidad.

 

- Advertisement -

DUNA COMENTARIO

Please enter your comment!
Please enter your name here