Home Cultura Fundacion Go Cultura a anuncia nan prome conferencia “Linking Orange”

Fundacion Go Cultura a anuncia nan prome conferencia “Linking Orange”

73
0
SHARE
- Advertisement -

ORANJESTAD (AAN): Fundacion Go Cultura a anuncia nan proximo evento cual ta un conferencia den luna di November proximo. Asina Edjean Semeleer, presidente di e organizacion a duna di conoce.

El a agrega cu Go Cultura ta existi pa mas cu un aña y a wordo lanta pa yuda stimula e sector creativo y cultural den e sentido amplio di e palabra. Nan ta convenci cu arte y cultura por tin un impacto positivo riba e desaroyo social di nos pais.

Semeleer a agrega cu tambe nan ta convenci cu pais di Aruba tin cu tuma e accionnan necesario pa stimula y activa un economia creativo, cu ta algo cu ta existi pa varios aña caba na hopi otro pais, pero cu pa Aruba kizas ta algo nobo.

Edjean Semeleer a anuncia cu dia 16 di November lo tin un conferencia den Marriott Hotel su Ballroom cu lo wordo yama “Linking Orange” unda lo trece tur e actornan hunto cu ta den e ambito cultural y creativo pa asina por comparti conocimento, wordo inspira y empodera.

E color oranje ta relaciona cu e civilizacionnan den historia di e humanidad, asocia cu cultura, creatividad y identidad. Y den economia creativo ta wordo yama como economia oranjo, Semeleer a indica.

El a anuncia tambe e oradornan cu lo ta Zetsia Ponson, secretario general pa Aruba di UNESCO, Anky Vrolijk, directora di Fundacion Museo Arubano, Renwick Heronimo, curator di Fundacion Museo Arubano, Isha Tapias-Kock, product specialist & developer di Aruba Tourism Authority,  Gerald Kock, policy advisor pa Departamento di Asuntonan Economico, Thaïs Franken recien graduado como Bachelor of Arts na Universidad di Aruba y Edward Erasmus, educador y consultant.

Aparte di e oradornan local, tambe a anuncia Emerita Emerencia cu lo ta e moderadora durante e conferencia aki.

Esnan cu ta interesa pa participa den e conferencia interesante aki den sector creativo, cultural, sector comercial, priva, trahando den maneho di cultura, asuntonan social y educacion por cuminza registra.

E conferencia lo cuminza 8’or di mainta y lo caba 1’or di atardi. Pa mas informacion por bishita nan website www.gocultura.org of nan facebook page Go Cultura Foundation.

- Advertisement -

DUNA COMENTARIO

Please enter your comment!
Please enter your name here