Home Gobierno Gobernador a mustra riba erosion grandi di norma y balornan na Aruba

Gobernador a mustra riba erosion grandi di norma y balornan na Aruba

78
0
SHARE
- Advertisement -

ORANJESTAD (AAN): Diamars mainta a tuma lugar e Apertura di Aña Parlamentario Nobo.   Gobernador Alfonso Boekhoudt a hiba un discurso unda el a mustra riba norma y balornan bayendo atras.

El a cuminza ta bisa, cu como pais chikito nunca lo bo sa di kico bo ta capaz te ora bo dicidi di enfrenta e retonan grandi, cu kizas como individuo nos por pensa ta insurpasabel. Na e momento cu bo cuminsa cu e prome pasonan pa realiza e cambio, bo speranza cu mañan lo ta mihor no ta en vano.

E hecho aki ta pone cu nos por carga fe den un miho porvenir pa nos isla; cu un enfoke riba ‘e hende’ cu ta forma nos sociedad, sin perde bista di e oportunidadnan economico cu mester haci esaki posibel.

E aña aki ta pa di 33 biaha cu un aña parlamentario nobo ta worde habri. Y awe mi ta desea di relaciona esaki cu e simbolonan cu ta expresion di nos identidad. Nos tin por ehempel nos escudo den uso oficial desde 1955, pero tambe nos himno y bandera desde 1976.

Si nos tuma e simbolismo di e colornan di nos bandera den consideracion, nos por identifica e cualidadnan concreto cu nan por representa pa nos. Si cuminsa cu e rand blanco rond di e strea, nos por bisa cu e no ta refleha solamente e santo blanco di nos playanan pero tambe e pureza di curazon di e habitantenan cu ta respeta husticia, orden y libertad.

Cu otro palabra e color blanco ta simbolisa nos norma- y balornan.

Nos norma- y balornan ta bin di e Diez Mandamentonan, di cual seis tin relacion cu bon administracion, servicio y husticia.

Por menciona por ehempel cuido di nos medio-ambiente, respet y cuido pa nos prohimo, integridad y transparencia, solidaridad y responsabilidad. Si esey ta loke nos a propone como nos identidad, anto nos mester ta honesto y constata cu ultimo añanan riba tur tereno tin un erosion grandi di e norma- y balornan aki.

Gobierno kier, es mas e ta su deber pa, re-establece e respet pa norma y balor, respet pa institutonan democratico y pone e prohimo central.

Gobernador a mustra cu ainda ta fresco den nos memoria e casonan cu consecuencia fatal pa muchanan, pa un dama na cas y pa un cabayero conoci den Playa y pa un hoben cu a bay sali un anochi. Nan ta muestra con e erosion di norma y balor a infiltra den nos comunidad.

E tendencia di decadencia social cu a worde neglisha pa basta aña ta afectando e existencia di hopi famia aki na Aruba. P’esey gobierno a duna prioridad pa yega na un Crisisplan Social pa combati y finalmente tambe yuda preveni problemanan social, manera drop outs, violencia domestico y abuso di mucha.

E meta ta pa yega na un sistema integral di proteccion y cuido di mucha y hobennan den e sector social, di enseñanza y di husticia. Nan mester por crece na un manera sano y sigur. En total un 28 instancianan gubernamental y no-gubernamental ta envolvi den esaki.

STambe lo bin cu programanan pa prevencion di adiccion y lo expande e AZV-mobile-APP – cu a keda introduci den 2018 – pa eleva e calidad di cuido di adolescente. Gobierno lo sigui inverti y traha riba solucionnan duradero pa e problema di “double y triple trouble”.

Otro areanan di atencion lo ta, ampliacion di e Centro Ortopedagogico, construccion di un facilidad Coreccional nobo y formalisacion di e Cas di Seguridad. Esakinan ta instrumentonan cu ta diseña pa contribui cu esnan mas vulnerabel den nos comunidad cu mester di guia, cuido of pasonan preventivo of corectivo. Tambe ta destina mas personal na instancianan manera Voogdijraad.

Igualmente lo inclui promove deporte mas bao di hobennan. Ta di sumo importancia pa bin cu programanan di deporte den barionan mes.

E potret pa cortesia Kabinet Gouverneur.

 

- Advertisement -

DUNA COMENTARIO

Please enter your comment!
Please enter your name here