Home General Gobierno a percura pa KPA y OM a emiti nan relato anual...

Gobierno a percura pa KPA y OM a emiti nan relato anual atrasa

50
0
SHARE
- Advertisement -

ORANJESTAD (AAN): E tabata un keho di hopi medio di comunicacion pa varios aña caba!  Esta cu ni Ministerio Publico (OM), mucho menos Cuerpo Policial (KPA) no tabata emiti nan Relato Anual.

Den prensa hasta a cuminza cuestiona e motibo pakico e informacion importante aki no tabata sali.

Na September 2017, eleccion a tuma lugar y un Gobierno nobo a sinta.  Ministro Andin Bikker a haya e cartera di Husticia, y den apenas par di luna el a logra pa e relatonan anual aki a wordo traha.

Diamars mainta durante Reunion di Staten, Ministro Bikker a bin cu un sorpresa pa tur Parlamentario.

El a bin cu e Relato Anual (“Jaarverslag”) cu pueblo y prensa ta wardando hopi aña caba riba dje!  Esta e Jaarverslag 2015 di KPA, tambe e Jaarverslag 2016 di KPA, y hasta e Jaarverslag 2017 di KPA.

Den apenas par di luna na mando, Ministro Bikker si a logra pa e Jaarverslagnan aki cu ta pertenece na Gobierno anterior, a mira luz di dia.

Pero esey no ta tur!  Parlamentarionan a keda babuca ora cu a mira cu Ministerio Publico tambe a haci nan trabao awor si.  Ministro a presenta e Jaarverslag 2015 di OM, tambe e Jaarverslag 2016 di OM, y el a anuncia cu e Jaarverslag 2017 di OM ta na caminda.

Por a sinti den Parlamento cu Ministro Bikker ta coriendo riba un bon ola y ta tumando su trabao na seriedad.

 

- Advertisement -

DUNA COMENTARIO

Please enter your comment!
Please enter your name here