Home Gobierno Gobierno hunto cu Departamentonan concerni a adopta e maneho “Built with nature”

Gobierno hunto cu Departamentonan concerni a adopta e maneho “Built with nature”

49
0
SHARE
- Advertisement -

Minister Otmar Oduber a splica:

ORANJESTAD (AAN) – Diahuebs mainta, Minister di Infrastructura, Medio Ambiente, y Desaroyo Teritorial, a duna informacion den conferencia di prensa tocante un reunion cu a tuma lugar den seno di gobierno, cu diferente departamento unda a dicidi di adopta e maneho: “Built with nature”.

E maneho aki kiermen construi teniendo naturaleza na cuenta. “Built with nature” ta encera cu e plataforma huridico cu ya caba ta existi mediante e Landverordering ROP, cu ta describi cu na cierto momento, gobierno por exigi un “aanlegvergunning” pa na momento cu sea gobierno of sector priva, ora nan ta bay haci un verkavelings plan pa construccion di vivienda, prome cu esaki tuma lugar, tin cu pidi e aanlegvergunning aki na Departamento di Naturaleza y Medio Ambiente (DNM).

Esaki ta encera cu e tereno ta wordo evalua door di diferente departamento di gobierno, incluyendo DIP, DOW, Kadaster y DNM, pa loke ta concerni e vegetacion cu tin den e tereno, pa proteha pa ley e matanan y diferente sorto di animal cu por tin, y cu ta importante riba e tereno ey.

No ta sin mas, den futuro, pa un instancia publico of priva, yega pidi un pida tereno di 20 mi meter cuadra, por ehemplo, pa haci un verkavelingsplan, cu e meta di construi 40 cas riba dje, unda ta bay bira imposible pa rosa henter e tereno y djey wak con pa partie den parcela.

E mandatario a subraya cu e propio ley di ROP ta permiti cu tin cu haci un peticion prome cu pidi un permiso pa rosa e tereno, a base di e ley di proteccion di nos medio ambiente.

Mester pidi e aanlegvergunning na DNM cu ta indica si tin matanan proteha, pues matanan grandi cu por duna sombra of cu ta proteha y mester tuma den consideracion na momento di traha un verkavelingsplan y wordo entrega pa aprobacion door di DOW y DIP.

E mandatario a indica cu esaki ta importante den e contexto di e ROP nobo cu ta bay wordo traha, ya cu gobierno no ta bay extende mas e ley di ordenamento teritorial existente, pa e prome cuartal di 2019.

E dignatario a indica cu na e momentonan aki conforme e ley LRO a tuma e decision encuanto e “voorbereidingsbesluit” cu ta inicia e ley ROP nobo, pa otorga e vergunningnan necesario, na momento cu lo implementa e ROP na un forma cu ta duna tanto derecho como responsabilidad, no solamente na gobierno su banda, pero tambe e banda di e persona particular.

Asina lo atende cu e problema cu tin e ultimo diez añanan cu personanan cu tin tereno propio no ta wordo permiti pa construi den areanan berde, den naturaleza, etc.

Pero conforme e ley existente ta cuminza e proceso y ta sigura cu un bez cu e ROP nobo keda fiha, durante e prime cuartal 2019, e proceso simultaneamente lo ta tumando lugar, pa den e dos cuartal of di tres maximo, e ROP lo por wordo introduci.

A base di e voorbereidingsbesluit menciona, lo bay aplica un vergunning cu semper tabata drumi den e ley aki, cu ta e aanlegvergunning, pa di e forma aki por introducie oficialmente na Aruba y cual lo drenta na vigor dia 1 di Januari 2019 unda ta cuminza cu e concepto di ley “Built with nature”. Esaki ta nifica cu si un persona ta rosa tereno sin tene cuenta cu e permiso ey lo por haya multa.

Tur esaki den sentido cu gobierno kier pone e balansa real entre desaroyo economico structural y proteccion di nos medio ambiente y lo aplica esaki den e maneho infrastructural, e dignatario a enfatiza.

- Advertisement -

DUNA COMENTARIO

Please enter your comment!
Please enter your name here