Home Gobierno Gobierno kier mira un Caya Grandi vibrante atrobe

Gobierno kier mira un Caya Grandi vibrante atrobe

13
0
SHARE
- Advertisement -

Prome Minister:

ORANJESTAD (AAN) — Encuanto Caya Betico Croes, Prome Minister mr. Evelyn Wever- Croes, a declara den conferencia di prensa, cu e task force encarga,  kier mira un centro vibrante un biaha mas, no solamente e tiendanan pero unda tin espacionan manera teraza bao di un toldo of bao di un dak, cu mesa y stul, unda hendenan sinta bebe algo y pasa un rato agradable.

Tambe nan tin e idea di “Pop ups tent” unda ta bende cierto producto tin biaha na prijsnan mas desaroya. Ademas lo kier desaroya vivienda den e pisonan mas halto di e edificionan den Caya, pa profesionalnan hoben. Esaki ta un tema cu lo tuma mas tempo, segun e mandatario a indica.

Gobierno mester a tuma cierto decisionnan tocante tram, parkeer y habrimento di caya. A papia si mester habri caya pa trafico of no.

E mandatario a subraya cu gobierno kier mira un Caya vibrante cu tin caminda cu teraza unda hende por sinta pasa un rato agradable y lo no tin mucho espacio pa autonan pasa.

Pues, den vision di gobierno e no ta kere cu caya lo keda habri pa trafico, pero lo wordo habri pa un rato, un par di ora mainta y un par atardi, pa asina autonan por pasa den caya pa hende wak kico tin den e tiendanan of pa baha of busca un persona.

Esaki lo wordo haci pa complace cu e tantisimo peticion cu gobierno ta haya, y pa evalua na caminda. El a reitera cu lo elimina 1/3 parti di parkeervak paga, cu lo bira free parking pero caminda tin cu paga, mester hacie.

E motibo principal pa no habri Caya pa trafico completamente, ta pa mira hende na pia den Caya e mandatario a menciona. E plan ta pa na fin di October ora tin e luznan, e sistema di sonido ta instala y tur e fonteinnan ta funcionando, tur hende lo haya e chens di dal un ronchi den Caya pa wak kico tin den tienda.

Asina por habri e temporada di Fin di Aña na un forma festivo den nos Caya Betico Croes, pues apesar cu gobierno tin su retonan financiero tin cu celebra bida.

Sra. Lindy Croes ta e persona encarga cu organiza e eventonan aki. Minister Presidente a expresa cu gobierno pa cada reto tin un solucion y e ta spera cu lo logra di trece hopi actividad den centro di San Nicolas y Playa, cu tur hende por sinti contento y orguyoso di ta un Arubiano.

- Advertisement -

DUNA COMENTARIO

Please enter your comment!
Please enter your name here