Home Gobierno Gobierno no ta reconoce formularionan di Cruz Cora ni UNHCR pa otorga...

Gobierno no ta reconoce formularionan di Cruz Cora ni UNHCR pa otorga asilo

30
0
SHARE
- Advertisement -

Prome Minister a reitera:

ORANJESTAD (AAN) – Den conferencia di prensa semanal di Gobierno, Dialuna, Minister Presidente Evelyn Wever Croes a referi na e tema di Asilo, reiterando locual Matutino DIARIO a publica den nos edicion di Dialuna.

Tambe Minister di Husticia mr. Andin Bikker, a referi na e mesun topico reafirmando locual Prome Minister a trece dilanti.

E dignatario a reitera cu asilo ta un tema hopi delicado y a haci enfasis cu gobierno ta compronde y ta convivi cu e situacion na Venezuela, pero nos pais tin su rekisitonan pa otorga asilo, y cu tin personanan cu por a haya un declaracion di Organizacion Internacional di Nacionnan Uni pa (UNHCR) of di Cruz Cora di Aruba, ningun di e formularionan aki ta e caminda oficial pa cana pa haya asilo, y tampoco ta nifica cu nan ta wordo considera na Aruba como hendenan cu ta bay haya permiso di estadia. Solamente, e formularionan aki ta mustra cu nan kier haci un peticion pa asilo.

Prome Minister a reitera den casonan di asilo politico Aruba ta traha a base di tratadonan internacional ora e personanan ta teme pa nan bida den e pais di origen y e ta solicita esaki mesora e drenta Aruba.

Na Aruba tin un Comision cu ta studia e peticionnan aki cu ta consistiendo di Dimas, Relacionnan Exterior, y Departamento Huridico y e ta duna conseho al respecto.

E mandatario a enfatiza cu e formularionan aki no ta wordo reconoci pa Gobierno di Aruba, no ta implica un permiso di estadia ni pa traha.

Den pasado Cruz Cora a representa UNHCR na Aruba, despues nan mes a instala un representante akinan, pero mester bay investiga ken a firma e formularionan cu algun Venezolano cu ta na Aruba a haya, pasobra e persona di UNHCR akinan, ta bisa cu e no a firma ni un y gobierno lo acerca e instancia aki na Washington, incluso ta bay pidie su cooperacion.

E mandatario a señala cu hopi frankeza si, cu Aruba no tin espacio pa carga mas hende, no obstante nos pais tin cu prepara si pa cualkier exodo di Venezolanonan cu por drenta nos pais y cu gobierno no por yuda otro hendenan siendo cu pa nos mes pais no tin suficiente.

Varios pregunta e mandatario a contesta riba e tema aki, riba cual prensa a enfatiza hopi.

- Advertisement -

DUNA COMENTARIO

Please enter your comment!
Please enter your name here