Home General Gregorio Wolff asombra cu loke ta pasando den mundo sindical cu Gelijkbedrag...

Gregorio Wolff asombra cu loke ta pasando den mundo sindical cu Gelijkbedrag y Bashi Premie

84
0
SHARE
- Advertisement -

ORANJESTAD (AAN): Segun Gregorio Wolff cu antes tabata lidera Sindicato SEPPA, e asunto di “no paga GB y BP (Gelijkbedrag y  Bashi Premie)”, tambe otro areglonan cu pensionadonan kendenan a traha pa gobierno tabata ricibi, pero pensionadonan entrante 2015 no ta ricibi mas, ta keda cu hopi interrogacion. Preguntanan y cosnan cu no ta claro.

Wolff a mustra cu el a mira con e presidente di Organizacion OPPA den un declaracion na prensa a bisa cu ta lidernan sindical na 2014 a firma pa kita e derechonan aki di tur ambtenaar. Den forma mahos na television e ta repudia un miembro di OPPA, mencionando su nomber y bise cu OPPA no a firma nada y pa e bay su sindicato, di prome cu el a bay cu pensioen.

“Den mi declaracion despues di e mocion di parlamento pa gobierno paga GB y BP, mi a analisa e situacion y a menciona e diferente caranan:”

“(1) Prome, e cara arogante di parlamentarionan cu nan si por  mustra ariba e ignorancia di lidernan sindical Arubiano pa no bay Huez y obliga e gobierno di AVP pa paga GB y BP.   GB y BP ta parti di condicion laboral pa e Empleado Publico, na momento cu e bay cu penshun y despues. Pues e ta un asunto laboral, no politico.  Sigur Parlamento cu no tin un funcion ehecutivo, pero mester controla Gobierno y laga e asunto laboral pa sindicato y Ministronan. Pues no comanda gobierno via un mocion.

“(2) Di dos ta e cara contento di esnan cu a keda perhudica door di e decision di gobierno anterior.”

“(3) Di tres  ta e cara di ignorancia, nos por bisa “carabobo” di lidernan sindical, kendenan no a saca un man pa yuda esnan cu a ser perhudica door di gobierno di AVP.”

“(4) Cara number 4 ta e cara di e perdedornan ariba e asunto aki, cerca e politiconan di AVP, kendenan semper ta y tabata contra e posicion di pensionadonan.

Loke a haci falta (e tempo ey) ta e cara elegante di nos  Prome Ministro, den e caso cu e Parlamentarionan apoyando gobierno, a laga Prome Ministro Evelyn Wever-Croes, contrario na e gobierno di AVP, trece e noticia cu su gobierno si ta sigui respeta e acuerdo di Indexering riba GB y BP.

Mi a faya pasobra e supuesto cara elegante di nos prome ministro a bira un cara mahos ya cu aparentemente Gobierno via su Ministro di Finanzas ta bisa cu e ta para ariba cu ta ilegal pa paga.

Esaki apesar cu (1) e ta benta e mocion di su parlamentarionan den bari di sushi, y pa (2) el a bay para elegantemente banda di Mike Eman y Parlamentarionan di AVP. Mundo sa dal buelta.

Gregorio Wollf ta convenci cu Aruba ta den un epoca malisimo cu derechonan adkeri di trahador ta ser Benta afor.  Tin un sentimento cerca hopi cu awe  tin un desaroyo malo pa elimina derechonan adkeri.

E ta parti di e modelo economico y social, Neo-liberalismo, cual modelo ta come y bebe cu e ideologianan Social Cristianao, Liberalismo y tambe na varios ocacion cerca e Social-Democratanan. Semper bo ta haya lidernan sindical, kendenan tambe gusta come y bebe cerca e Neo-liberalnan. Pesey awe nos ta wak con derechonan adkeri ta worde benta afor.

Wolff a mustra cu den su carera como presidente di SEPPA di 1985 pa 1998,  nan den directiva di SEPPA tabatin un vision claro. “Semper mi a worde acompaña den directiva di SEPPA door di muhernan y hombernan balente y prepara pa yuda trahadornan bay dilanti y adkeri mas derecho.”

- Advertisement -

DUNA COMENTARIO

Please enter your comment!
Please enter your name here