Home Policial Homber a perde dede ora el a bay intermedia den pelea di...

Homber a perde dede ora el a bay intermedia den pelea di cacho

323
0
SHARE
- Advertisement -

ORANJESTAD  (AAN): Theo Justino Geerman ta un ciudadano biba na Sabana Basora Noord y el a pasa den un situacion serio algun dia pasa y cu awe a lag’e cu cuater dede na un di su mannan. Esaki tin di haber cu cachonan brabo cu lo a bula su dede afo, na momento cu el a bay defende su cacho cu tabata tambe hunga un rato pafo.

El a splica cu su cacho a sali pafo y a haya su mes den un pelea cu otro cacho. Geerman a kita su cacho for di e otro cachonan y pone riba schouder. E otro cacho a bula gara su man cu tabata colga, kita e dede. El a sinta kauw e dede y scupi’e afo.

Geerman a yama polis y a bis’e cu bisiña cu bisiña tin cu handle e asunto. El a keda warda ambulance pa mas cu dos ora. Pero nada. El a laga otro hende coy su auto, bay te na e station na Wayaca y no a bin topa cu ningun hende. El a haya e ambulancenan full habri, cu ningun hende den oficina.

Segun Geerman, ta ki clase di servicio bo tin. Bo por tin dos hende den ambulance. Un mester keda na base pa kico cu pasa cu por geef door. Tur tres paramedico den ambulance a bise pa e para keto pa por trata su dede. Ora cu a bay finalmente hospital, nan a core sin sirena. El a perde su dede eynan.

Tin ley pa cacho. Su cacho ta paden di su cas y e ta mara. E cacho brabo tabata core pafo y e doño no ta cera su cachonan. Ley pa un ley pa tur. Gobierno a pone un ley y mester aplica e ley.

Geerman ta un cacho e tin y pa un fout, el a sali. Pero, ta cacho ta cacho. Si bo ta papia cu un hende y nan ta bisa cu ta un cos chikito a perde. Ta un pida dede el a perde. Con Geerman ta bay traha y kico e por haci. Ta un handicap e ta awo.

Geerman a comenta cu el a hiba e pida dede hospital, pero a tarda hopi. No por a haci nada mas p’e.

Segun Geerman, e bisiña en cuestion, cu semper nan ta para cabes cu cabes cu otro. Pero den e caso aki, el a falt’e un tiki respet, te cu hasta yiu di e bisiña kier a dal’e. Den tur su dolor, nan no ta compronde esey. Segun nan ta Geerman ta fout, pasobra ta su cacho a bin busca problema. Geerman a perde algo di dje, y nan cacho, di e cuaternan cu nan tin a keda bon. Ningun di e cachonan di e bisiña ta mara. Un mistake cu e cacho Geerman ta schuif bay. Ora cu nan haya caminda habri, nan ta core bay. E asunto a pasa, pero su dede si e no ta haya mas.

Loke cu Geerman ta haci trabaonan aki aya, y hasta e ta duna massage. E no ta cobra ningun cen. Ta net su man drechi cu e tin mester. Cu e man eynan e ta fula e spiernan kico tin. Awo con e ta haci su trabao.

 

- Advertisement -

DUNA COMENTARIO

Please enter your comment!
Please enter your name here