Home Policial Homber arma kier a saca tata for di apartamento Nos Lugar

Homber arma kier a saca tata for di apartamento Nos Lugar

818
0
SHARE
- Advertisement -

ORANJESTAD (AAN): Diadomingo atardi a drenta informacion na central, na unda polis mester a acudi cu urgencia den direccion di Nos Luga, un apartamento di placer situa na Meiveld.

E motibo di esaki tabata relaciona cu un homber arma, kende tabata buscando hendenan cu lo ta pasando ratonan di placer den e localidad e momento ey. Unidadnan policial di Playa a sali mesora pa e sitio, cu refuerzo di e personal di polis di bario y tambe di personal di team di aresto, cu a yega rapidamente na e localidad. Pafo a bin topa cu un auto cu tres persona aden, na unda  un hoben, cu descripcion tabata cuadra cu e melding di e persona cu lo ta arma, cu un arma di candela.

Ora polis a yega, nan a cuminsa ristra tanto e homber sospechoso, como tambe dos damitanan para keto un rato, mientras cu nan ta haci e investigacion. Riba e hoben aki no a haya nada.

Pero ta insisti cu tin arma di candela presente den henter e problema aki. Personal di polis a papia un rato cu un di esnan cu tabata encarga cu e negoshi, e apartamento di placer y asina a bin splica polis con tur cos a pasa y cu ken ta esun cu tabatin e arma di candela. Polis a dicidi di hala e cabayero cu tabata arma, un banda y a dicidi di ristra e auto. Den bahul, hinca net tras di e taira di spare, a bin topa cu un arma di candela. A bay over na detencion mesora y tambe a detene e dos damitanan.

E homber ta naci na Venezuela y tin apenas 19 aña di edad. Segun nan a indica, nan tabata wardando un persona, aparentemente tata di un di esnan cu tabata pafo y nan tabata ward’e. Prome nan kier a drenta den e propiedad pa busca drechi e tata paden. Pero nan no a haya permiso pa drenta y a base di esey, a bin intimida e doño di e apartamento cu si e no laga nan drenta, y asina el a saca su arma y sinta patras na e auto banda di e bahul.

E hoben a saca su arma y para pafo cu arma den man, intimidando e doño di e apartamento. Polis a yega den forma di sorpresa, sin haci mucho zonido cu nan sirena y a sorpresa e trio cu tabata eynan. Awo lo bay haci un denuncia pa cu menaza di arma di candela y na mesun momento mester bisa cu auto a keda confisca, pendiente investigacion. Tres detencion, un arma confisca. Aparentemente segun e hoben, e arma aki no ta un arma di candela real, pero ta un bbgun, cual na momento cu bo sak’e, y menasa un hende, ta bira castigabel segun ley.

 

- Advertisement -

DUNA COMENTARIO

Please enter your comment!
Please enter your name here