Home Policial Homber basta bebi scondi tras di stul di soya na Shiribana

Homber basta bebi scondi tras di stul di soya na Shiribana

523
0
SHARE
- Advertisement -

ORANJESTAD (AAN): Un unidad di Polis di Noord a acudi na un adres na Shiribana pa check kico ta pasando.

Diasabra mainta pa 9:35 am, durante patruyahe nan a worde dirigi pa central di polis na Lox Sing Supermarket situa na Shiribana.  Nan a bay eynan debi cu tin un hende indesea.

Y e persona ta molestiando y haciendo compras di clientenan hopi desagradable.

Ora cu Polis a yega na e Supermarket, nan a mira con e conocido homber di inicial F. ta para na porta.  Polis a duna instruccion na e homber pa e aleha di e lugar.  El a haci esey tambe.

Pero algun ora despues, banda di 2:00 pm, Central di Polis a bolbe dirigi patruya di Noord pa e mesun homber di inicial F. na e mesun localidad.

Ora cu polis a presenta, e homber F. no tabatey mas.  Net e momento ey a pasa un ciudadano, y el a tende cu autoridad ta buscando F.

El a declara cu F. a bay sconde den e cas banda di Lox Sing Supermarket.

Relaciona cu e version patruya a bay direccion di e cas buscando e tal F. y ora cu polis a wak F riba cura e ultimo a bay sconde tras di e un stul di zoya na porta dilanti.

Polis a pare pa atende y polisnan a haya holo fuerte di alcohol, su wowo ta cora, e homber ta tur soda manera e lo ta bao influencia di un que otro substancia.

Polis a dicidi pa detene F. naci dia 31 di Mei 1988 y a transporte rumbo Warda di Polis y a presente dilanti Fiscal Auxiliar, pa finalmente a sere pa su seguridad y otro.

- Advertisement -

DUNA COMENTARIO

Please enter your comment!
Please enter your name here