Home General Hopi aerolinea a aumenta nan cantidad di vuelo pa Aruba

Hopi aerolinea a aumenta nan cantidad di vuelo pa Aruba

35
0
SHARE
- Advertisement -

ORANJESTAD (AAN)- Aerolineanan ta demostra nan interes pa pais Aruba, aumentando cantidad di vuelo den periodo 2018-2019. Esaki ta demostra cu e maneho cu ta ser hiba pa loke ta trata turismo aki na Aruba, ta dunando su fruto, y na final ta reenforsa Aruba su unico pilar economico.

Minister Dangui Oduber, e mandatario encarga cu e cartera di Turismo, a expresa cu sentimento di orguyo di mira con Aruba su Turismo ta sigui avansa, cu un aumento di cantidad di vuelonan cu pa nos isla. “E confiansa aki ta demostra cu e maneho cu ta ser hiba na e momento aki, bou di e gabinete aki, tin tur confiansa di aerolineanan grandi den e mercado”, e mandatario a expresa.

E ta splica cu actualmente e unico pilar economico cu Aruba tin ta Turismo, y como e mandatario responsabel pa esaki, e ta tuma su deber na pecho, trahando cu curason y alma pa bienestar di nos pueblo. “Nos a bin pa traha. Loke ta wega di politikeria ta keda den man di oposicion, cu den 8 aña a demostra cu no por a haci nada otro cu hinca nos den un debe astronomico”, minister Dangui Oduber a bisa.

E crecemento cu Aruba lo conoce den su capacidad di asiento aereo ta un poco mas cu 4%, reflehando na mas cu 17 mil pasahero extra pa e periodo nos dilanti.  Esaki ta danki na e relacion estrecho y confiansa cu Aruba tin cu American Airlines cu vuelonan adicional for di Dallas, Texas y for di Chicago, Illinois.

Delta Airlines cu vuelonan for di Minneapolis, Minnesota y for di Boston, Massachusetts’s, JetBlue cu vuelonan for di Boston, Massachusetts’s. WestJet a aumenta su cantidad di vuelonan di 2 pa 3 bes pa siman for di Toronto, Ontario. Sun Country Airlines cu vuelo for di Minneapolis, Minnesota.

KLM tambe a aumenta su cantidad di vuelo di 6 pa 7 bes pa siman for di Amsterdam, Hulanda. TUI awor ta bula for di Brussels, Belgium pa Aruba.

Avianca, Wingo a aumenta nan cantidad di vuelonan for di Bogota, Colombia. Air Century a bin cu 3 vuelo pa siman for di Santo Domingo. Cada un di e partnernan aki, sea cu ya nan tin hopi aña aki na Aruba of ta uno nobo riba nos isla, ta demostra cu Aruba tin hopi pa ofrece na hendenan di tur parti di mundo.

“E logro aki no ta di mi, e ta un logro di y pa Aruba. Nos deber y compromiso ta sigui, semper cu e persona poni central.” E gobierno di Gabinete Wever – Croes a bin ta cumpli cu su programma di gobernacion.

 

- Advertisement -

DUNA COMENTARIO

Please enter your comment!
Please enter your name here